მოსკოვის რეგიონში დრონის ჩამოვარდნის შედეგად ორი ადამიანი დაიღუპა.

მოსკოვის ოლქის გუბერნატორმა ანდრეი ვორობიოვმა განაცხადა, რომ ვოსკრესენსკსა და კოლომნაში ღამით ოთხი დრონი ჩამოაგდეს.

მისი თქმით, ვოსკრესენსკში კერძო სახლში გაჩენილ ხანძარს ორი ადამიანი - 76 წლის ქალი და მისი 6 წლის შვილიშვილი - ემსხვერპლა.

ასევე დაზიანდა ვოსკრესენსკში რამდენიმე სახლის ფასადები და ფანჯრები, ხოლო ქუჩის განათება გაითიშა.

ვორობიოვმა დაწერა, რომ სხვა დაშავებულები არ არიან.

რეგიონული ხელისუფლების ცნობით, ბელგოროდის რეგიონში დრონით თავდასხმის შედეგად ორი ადამიანი დაშავდა.

თავდასხმა ვალუისკის რაიონის სოფელ კაზინკასთან მოხდა, დაწერა რეგიონის გუბერნატორმა ვიაჩესლავ გლადკოვმა (https://t.me/vvgladkov/16311) თავის Telegram არხზე. მისი თქმით, მსუბუქი ავტომობილი დაეჯახა, რის შედეგადაც ორი მშვიდობიანი მოქალაქე, კაცი და ქალი, დაშავდა.

ქალს სახისა და ხელების არეში ნამსხვრევებით მიყენებული მრავლობითი ჭრილობები აღენიშნებოდა, მამაკაცს კი თავის ღია ჭრილობა და ფეხებზე ნამსხვრევებით მიყენებული მრავლობითი ჭრილობები. გუბერნატორის თქმით, ორივე მათგანი მძიმე მდგომარეობაშია.

ავტორი: ექსპრესნიუსი,

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი