კასპში გერმანიის ეკონომიკური თანამშრომლობისა და განვითარების სამინისტროს (BMZ)  დაფინანსებითა და კასპის მუნიციპალიტეტის მერიის მხარდაჭერით, ზრდასრულთა განათლების ცენტრი დაარსდა.

კასპის მერიის ცნობით, ცენტრის მიზანი მრავალფეროვანი საგანმანათლებლო პროგრამების განხორციელება, ადგილობრივი მოსახლეობის ცხოვრების ხარისხისა და დასაქმების გაზრდის ხელშეწყობაა, რომელიც მოსახლეობის საჭიროებებზეა მორგებული.

"შეთავაზებული მრავალკომპონენტიანი პაკეტი (ALP) მოიცავს: პიროვნულ და პროფესიული განვითარების, კულტურის, ახალგაზრდების, სპორტის, ჯანმრთელობის და სხვა პროგრამებს. ცენტრში კომპიუტერის, ჭრა-კერვის, კულინარიის, ჭიქაზე მხატვრობის, უცხოენების კურსები და პრაქტიკული სამუშაო სივრცეები მოეწყო.

გახსნის ღონისძიებას  გერმანიის საელჩოს ეკონომიკური და პრესის  დეპარტამენტის უფროსი, პირველი მდივანი სარა ზიელონკა, უნარების სააგენტოს ხელმძღვანელი თამარ ქიტიაშვილი, DVV internacional-ის რეგიონალური დირექტორი კავკასიასა და სამხრეთ-აღმოსავლეთ ევროპაში ტომას ლიხტენბერგი, კასპის მუნიციპალიტეტის მერი ვახტანგ მაისურაძე, მერის მოადგილე ზურაბ კოპაძე და თემის წევრები ესწრებოდნენ.

სარა ზიელონკამ მადლობა გადაუხადა ვახტანგ მაისურაძეს მხარდაჭერისა და ხელშეწყობისათვის. მერმა, თავის მხრივ, მზაობა გამოთქვა ცენტრთან სამომავლო თანამშრომლობისათვის.

კასპის ზრდასრულთა განათლების ცენტრი  DVV internacional საქართველოს სათაო ოფისის მიერ რიგით მე-14 ცენტრია", - ნათქვამია კასპის მერიის ინფორმაციაში.

ავტორი: NS (სტატია დაფინანსებულია),

სოციალური ქსელები

ქართველი სამხედრო გიორგი კუპარაშვილი, უკრაინის შეიარაღებული ძალების მესამე არმიის კორპუსის პოლკის მეთაურად დაინიშნა

ფიკომ უკმაყოფილება გამოთქვა, რომ ლიეტუვა და ლატვია მის თვითმფრინავს 9 მაისს მოსკოვში არ გაუშვებენ

ზელენსკი: რუსეთის წინააღმდეგ სანქციების შერბილების გაგრძელება აძლიერებს რუსეთის ლიდერების ილუზიას, რომ შეუძლიათ ომის გაგრძელება

მილანში ულტრამემარჯვენეების წინააღმდეგ გამართული საპროტესტო აქციის დროს არეულობა დაიწყო - ვიდეო