საქართველოს თავდაცვის მინისტრი, ჯუანშერ ბურჭულაძე აჭარის რეგიონში სამხედრო ბაზებზე ინფრასტრუქტურულ სამუშაოებს ეცნობა.

თავდაცვის სამინისტროს ცნობით, ჯუანშერ ბურჭულაძე ქობულეთში სპეციალური ოპერაციების ძალების ბაზაზე იმყოფებოდა.

მინისტრმა სარემონტო და დასრულებული სამუშაოების შესახებ დეტალური ინფორმაცია მიიღო.
ამასთან, თავდაცვის მინისტრმა ბაზის ტერიტორიაზე ჯარისკაცებისთვის ახლად გახსნილი სასადილო, ახლად გარემონტებული ყაზარმები დაათვალიერა და დასრულებული ეკლესიაც მოინახულა.

სამინისტროს განცხადებით, ქართველი სამხედროებისთვის ნატო-ს წევრი ქვეყნების სტანდარტების შესაბამისი პირობების შექმნის მიზნით, პრემიერ-მინისტრ ირაკლი ღარიბაშვილის თავდაცვის მინისტრად დანიშვნის პერიოდიდან ერთ-ერთ პრიორიტეტად არსებული ინფრასტრუქტურის სრული განახლება დაისახა. უწყების ინფორმაციით, აღნიშნული პროცესი აქტიურად გრძელდება და სამხედრო ბაზებზე ასობით ობიექტი აშენდა, გარემონტდა და მოწესრიგდა.

ავტორი: NS (სტატია დაფინანსებულია),

სოციალური ქსელები

შეერთებულმა შტატებმა ირანის სრული საზღვაო ბლოკადის დაწესების შესახებ განაცხადა

მარნეულში მატარებელი ცხვრის ფარას შეეჯახა, მწყემსი დაჯარიმდა

სასკოლო ფორმების დიზაინი ცნობილია

ახალგორის რაიონში გახშირდა ჩხრეკები და მობილური ტელეფონების ჩამორთმევის ფაქტები - DRI