“ვითიბი ბანკმა” სტიქიით დაზარალებულთა დახმარების თანხა ოთხჯერ გაზარდა.

როგორც “ვითიბი ბანკის” გენერალურმა დირექტორმა არჩილ კონცელიძემ განაცხადა, „ვითიბი ბანკი“ სტიქიით დაზარალებულებს 207 575 ლარით დაეხმარება, რაც ბანკის 2014 წლის მოგების 1%-ს შეადგენს.

„ახალი რეალობიდან გამომდინარე, თბილისის სტიქიით მიყენებული ზარალის ოდენობა, სამწუხაროდ, დღითიდღე იზრდება. ახლა უფრო ნათელი გახდა, რომ კომერციული ორგანიზაციების მხრიდან გაწეული ფინანსური მხარდაჭერა საკმარისი არ არის. შესაბამისად „ვითიბი ბანკმა“ მიიღო გადაწყვეტილება ოთხჯერ გაზარდოს შენატანის თანხა 207 575 ლარამდე, რაც შეესაბამება ბანკის 2014 წლის მოგების 1% -ს. ამის გარდა, „ვითიბი ბანკი“ მიზანმიმართულად  ეხმარება წყალდიდობის შედეგად დაზარალებულ ორგანიზაციებს. ამ მომენტისთვის ეს არის ყველაზე დიდი შენატანი ფინანსურ ინსტიტუტებს შორის. მივმართავთ სხვა ორგანიზაციებს, სტიქიით დაზარალებულთა მხარდასაჭერად, გადახედონ ფინანსური დახმარების ოდენობას“, - აცხადებს არჩილ კონცელიძე.

აღნიშნული განცხადება „ვითიბი ბანკის“ ხელძმძღვანელმა ბიზნესომბუდსმენ გიორგი გახარიასთან და თბილისის ვიცე მერთან დიმიტრი ქუმსიშვილთან შეხვედრის დროს  გააკეთა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი