ირანული მედიის ინფორმაციით, პენტაგონი ერაყის ჩრდილოეთ ნაწილში კონტინგენტის გაზრდას გეგმავს.

როგორც ადგილობრივი მედია საშუალებები იუწყებიან, ამერიკელები მოსულის ე.წ. „ისლამური სახელმწიფოსგან“ გათავისუფლებისთვის ემზადებიან.

მათივე ცნობით, აშშ-ის გაერთიანებული შტაბის თავმჯდომარემ, გენერალმა ჯოზეფ დანდფორდმა განაცხადა, რომ ერაყში კონტინგენტის გაზრდა იგეგმება.

„ჩვენ მთელი რიგი რეკომენდაციები გვაქვს, რომლებიც პრეზიდენტთან უნდა განვიხილოთ. ეს ერაყის უშიშროების ძალების შემდგომ მხარდაჭერას ეხება“, - განაცხადა გენერალმა.

მისივე თქმით, პენტაგონი კონტინგენტის გაზრდას გეგმავს, თუმცა საბოლოო გადაწყვეტილება ამის შესახებ ჯერ არაა მიღებული. 

ერთ-ერთი ადგილობრივი მედია საშუალების ინფორმაციით, პენტაგონის კონტინგენტმა ერაყში უკვე 3 870 სამხედროს გადააჭარბა. კიდევ ერთი ადგილობრივი მედია 5 ათას სამხედროზე წერს.

სამხედრო ექსპერტების თქმით, აღნიშნული გადაწყვეტილება მოსულის გათავისუფლებას გულისხმობს, რადგან დედაქალაქი ნავთობის ცენტრად მიიჩნევა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

თბილისში 30 წლის ქალის გაუპატიურების ბრალდებით, 38 წლის კაცი დააკავეს

ქვემო ქართლის პოლიციამ ნარკოდანაშაულის ბრალდებით სამი პირი დააკავა

150 დევნილი ოჯახისთვის ბორჯომში თანამედროვე სტანდარტების საცხოვრებელი კორპუსი შენდება

კიევში, ოდესასა და დნეპრის რაიონებში დაბომბვის შედეგად 14 ადამიანი დაიღუპა