რუსი სამხედროები აცხადებენ, რომ 21 დეკემბრის ღამეს, საჰაერო თავდაცვის სისტემებმა 42 უკრაინული დრონი ჩამოაგდეს. 

როგორც BBC-ის რუსულენოვანი სამსახური ქვეყნის თავდაცვის სამინისტროს მიერ Telegram-ზე გამოქვეყნებულ ინფორმაციაზე დაყრდნობით წერს, თავდასხმა 5 რეგიონზე მოხდა - 20 დრონი ორიოლის ოლქის ტერიტორიაზე განადგურდა, 8 უპილოტო საფრენი აპარატი - როსტოვისა და ბრიანსკის ოლქების თავზე, 5 - კურსკის ოლქის თავზე და ერთი - კრასნოდარის მხარის ტერიტორიაზე ჩამოაგდეს.

მანამდე, ორიოლის ოლქის გუბერნატორმა, ანდრეი კლიჩკოვმა განაცხადა, რომ დასახლება სტალნოი-კონზე კვლავ თავდასხმა განხორციელდა, რის შედეგადაც, ნავთობბაზაზე ხანძარი გაჩნდა.

როსტოვის ოლქში, რეგიონის ხელმძღვანელის მოვალეობის შემსრულებლის ინფორმაციით, დრონები ჩამოაგდეს ტაგანროგსა და ნოვოშახტინსკთან, სადაც ასევე ნავთობგადამამუშავებელი ქარხანაა.

დაღუპულებისა და დაშავებულების შესახებ ინფორმაცია ამ დროისთვის არ გავრცელებულა.

ავტორი: ექსპრესნიუსი,

სოციალური ქსელები

ტრამპმა ნატო გააკრიტიკა ირანთან დაკავშირებით დახმარების სურვილის არქონის გამო

უკრაინამ სამარის ოლქში, კრასნოდარის მხარეში და სევასტოპოლში ნავთობის ობიექტებს შეუტია

პაპუაშვილმა ზახაროვას განცხადებას უპასუხა: ჩვენ ხალხის ინტერესებიდან გამომდინარე ვმოქმედებთ

კონგრესმენი უილსონი: აშშ-სთვის მნიშვნელოვანია, რომ ანაკლია პეკინის დომინირების ქვეშ არ მოექცეს