ზაქარია ქუცნაშვილი: რატომ უნდა სცოდნოდა თანაგუნდელებს თუ რას ვაპირებდი?

2015-02-10 19:00:18, 550 ნახვა

პოლიტიკა

„რატომ უნდა სცოდნოდა თანაგუნდელებს? აი ეს მითხარით? რატომ უნდა შემეთანხმებინა ვინმესთან? სადაა ჩემი თავისუფლება“,-ამის შესახებ საპარლამენტო უმრავლესობის წევრმა ზაქარია ქუცნაშვილმა უზენაესი სასამართლოს თავმჯდომარის პოსტზე მისი კანდიდატურის წარდგენასთან დაკავშირებით განაცხადა.
„რატომ უნდა სცოდნოდათ? აი ეს მითხარით.ყველაფერს აქვს თავისი ეტაპები .ჯერ არის წარდგინების ეტაპი, მერე არის ნომინირების ეტაპი, მერე განხილვის ეტაპი, მერე დამტიცების ეტაპი. თქვენ გადადიხართ ბოლოში. ვინც გადაწყვეტილება მიიღო იმათი გვარები დამისახელეთ, 90 კაცს ესაუბრეთ ? თუ წინასწარ შევუთანხმე, ხელწერილი დავდე რა თავისუფლებაზე მელაპარაკებით?“,-განაცხადა ქუცნაშვილმა.
შეგახსენებთ,რომ 11-მა აკადემიურმა და საზოგადოებრივმა ორგანიზაციამ უზენაესი სასამართლოს თავმჯდომარეობის კანდიდატად ზაქარია ქუცნაშვილი დაასახელა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან