არ იყო მარტივი ამ ვითარების დეესკალაცია, თუმცა ერთი დღის განმავლობაში ეს მოხერხდა, - ამის შესახებ პარტია „ქართული ოცნების“ თავმჯდომარემ, ირაკლი კობახიძემ დმანისში განვითარებულ მოვლენებთან დაკავშირებით ჟურნალისტებს განუცხადა.

როგორც მან აღნიშნა, დმანისში ვითარების დეესკალაცია სამართალდამცავი სტრუქტურების სათანადო მოქმედების დამსახურებაა.

„რამდენადაც ვიცი, გუშინ დაკავებული იქნა რამდენიმე ადამიანი. რაც შეეხება პოლიციის რეაგირებას, სამართალდამცავი სტრუქტურების რეაგირებას, ეს რეაგირება იყო სათანადო და ადეკვატური. ამის შედეგები ყველამ იხილა. ის, რომ ძალიან რთული პრობლემის და ვითარების დეესკალაცია მოხერხდა ერთი დღის განმავლობაში, ეს მეტყველებს იმაზე, რომ სამართალდამცავმა სტრუქტურებმა იმოქმედეს სათანადოდ.

ყველამ იცის, რომ ეს ყველაფერი ყოფით ნიადაგზე დაიწყო და ძალიან გართულდა უცებ ვითარება. შესაბამისად, არ იყო მარტივი ამ ვითარების დეესკალაცია, თუმცა ერთი დღის განმავლობაში ეს მოხერხდა, რაც იყო სამართალდამცავი სტრუქტურების სათანადო მოქმედების დამსახურება. რთული იყო, წარმოიდგინეთ, უამრავი ადამიანი იყო ამაში ჩართული სხვადასხვა მხარეს. აქედან გამომდინარე, სირთულე იყო სერიოზული, თუმცა ამ სირთულეების მიუხედავად დღის ბოლომდე მოგვარდა პრობლემა“, - განაცხადა ირაკლი კობახიძემ.

შეგახსენებთ, რომ გუშინ, 16 მაისს დმანისში ერთ-ერთ მაღაზიასთან დაპირისპირება მოხდა. მოქალაქეები ერთმანეთს ფიზიკურად ჯოხების და სხვადასხვა ნივთების გამოყენებით დაუპირისპირდნენ. ამასთან, ადგილზე ვითარება გუშინ, 17 მაისსაც დაიძაბა და მხარეები ერთმანეთს კვლავ დაუპირისპირდნენ.

ავტორი: ექსპრესნიუსი,

სოციალური ქსელები

ბულგარეთის ყოფილი პრეზიდენტი რუმენ რადევი საპარლამენტო არჩევნებში ლიდერობს

ჰორმუზის სრუტეში აშშ-მ ირანის კუთვნილი ტანკერი დააკავა, ირანმა სამხედრო გემებზე დრონებით თავდასხმა განახორციელა

უკრაინამ ერთ კვირაში მეორედ დაარტყა რუსეთის ერთადერთ ნავთობგადამამუშავებელ ქარხანას შავ ზღვაზე, ერთი ადამიანი დაიღუპა.

ღმერთია და ექიმი არ სჭირდებაო - ნარიმან მაქარაშვილთან, მისი თაყვანისმცემლები ექიმს არ უშვებდნენ -ვიდეო