კიევში ესტონურ-ქართული ფილმის „მანდარინების“ ჩვენება გაიმართა

2015-02-19 17:00:56, 4506 ნახვა

კულტურა

უკრაინაში საქართველოს და ესტონეთის საელჩოების ორგანიზებით და უკრაინის კულტურის სამინისტროს მხარდაჭერით, კიევის კულტურის ცენტრ „კიევში“ „ოსკარის“ პრემიაზე წარდგენილი, ესტონურ-ქართული ფილმის „მანდარინების“ ჩვენება შედგა.

ღონისძიებას უკრაინის პრეზიდენტის ადმინისტრაციის, უმაღლესი რადას, მინისტრთა კაბინეტის, საგარეო საქმეთა სამინისტროსა და უკრაინაში აკრედიტებული დიპლომატიური კორპუსი წარმომადგენლები ესწრებოდნენ.

ფილმის ჩვენების წინ სტუმრებს მისასალმებელი სიტყვით მიმართეს უკრაინის ვიცე-პრემიერ-მინისტრმა - უკრაინის კულტურის მინისტრმა ვიაჩესლავ კირილენკომ, ესტონეთის ელჩმა სულევ კანნიკემ და საქართველოს ელჩმა უკრაინაში მიხეილ უკლებამ.

ამასთან, პრეზენტაციის წინ გამართულ მიღებაზე წარმოდგენილ იქნა ქართული და ესტონური სასმელები და მანდარინები.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან