განხორციელებული მონიტორინგის შედეგად აღმოსავლეთ საქართველოს ტერიტორიაზე დეპარტამენტის სათაო ოფისის, კახეთის, ქვემო ქართლის, სამცხე-ჯავახეთისა და აღმოსავლეთ-ცენტრალური სამსახურების თანამშრომლებმა უკანონო თევზჭერის ფაქტები გამოავლინეს.

ინფორმაციას გარემოსა და ბუნებრივი რესურსების დაცვის სამინისტრო ავრცელებს. 

უწყების ცნობით, ბრაკონიერთა ჯგუფები მდინარეებზე კანონმდებლობით აკრძალული მოწყობილობით, კერძოდ ელექტროშოკური აპარატებით ახორციელებდნენ თევზის მოპოვებას.

გარემოსდაცვითი ზედამხედველობის თანამშრომლებმა მოახდინეს სამართალდარღვევის ჩადენის იარაღებისა და უკანონოდ მოპოვებული სხვადასხვა ჯიშის 100 კილოგრამამდე თევზის კონფისკაცია.

მიმდინარეობს გარემოსთვის მიყენებული ზიანის დადგენა.

გარემოსდაცვითი ზედამხედველობის დეპარტამენტი თევზჭერისა და ნადირობის წესების   დაცვის მიზნით,  პრევენციულ ღონისძიებებს აგრძელებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

იტალიაში ბანკის ძარცვის მცდელობისას 25 ადამიანი მძევლად აიყვანეს

პირველად მასწავლებლებსა და მასწავლებლობის მსურველებს სამი საგნის გამოცდაზე გასვლის შესაძლებლობა ეძლევათ

მუდმივად განახლებადი მობაილბანკი - საუკეთესო ციფრული გამოცდილება თიბისისთან ერთად

რუსეთის საგარეო: საქართველოს EU-ში გაწევრიანებით „არამეგობრული ქვეყნების“ სიაში მოხვდება