ირანის წინააღმდეგ აშშ-ის სამხედრო აგრესია ორ ქვეყანას შორის ომით არ შემოიფარგლება, ამჯერად კი სრულმასშტაბიან რეგიონულ კონფლიქტში გადაიზრდება. ამის შესახებ ირანის უზენაესმა ლიდერმა, ხამენეიმ განაცხადა.

მან დასძინა, რომ ირანელ ხალხს არ უნდა ეშინოდეს აშშ-ის პრეზიდენტ ტრამპის განცხადებების ახლო აღმოსავლეთში დიდი რაოდენობით იარაღის გადაცემის შესახებ: „ჩვენ არ ვიწყებთ ომებს და არ გვსურს არცერთ ქვეყანაზე თავდასხმა, მაგრამ ირანელი ხალხი მტკიცედ მოგერიებს ყველას, ვინც თავს დაესხმება და ზიანს აყენებს“.

გარდა ამისა, ხამენეიმ ქვეყანაში ბოლო დროს მომხდარ არეულობებზე კომენტარი გააკეთა: „ბოლო დროს მომხდარი აჯანყება გადატრიალებას ჰგავდა. რა თქმა უნდა, გადატრიალება ჩაახშეს. მათი მიზანი იყო ქვეყანაში მმართველობის მნიშვნელოვანი ცენტრების განადგურება და სწორედ ამიტომ თავს დაესხნენ პოლიციას, სამთავრობო დაწესებულებებს, ისლამური რევოლუციის გვარდიის კორპუსის ცენტრებს, ბანკებსა და მეჩეთებს, ასევე ცეცხლი წაუკიდეს ყურანს“.

ავტორი: ექსპრესნიუსი,

სოციალური ქსელები

ბოჭორიშვილი უარყოფს, რომ მიღებული კანონების გამო პროექტები გაუქმდა ან შეჩერდა

სანქცირებული, პროსახელისუფლებო „იმედის“ იურიდიული სამსახურის უფროსი, კომუნიკაციების კომისიის წევრი გახდა

ივანიშვილის პარლამენტმა ე.წ გრანტების შესახებ კანონში ცვლილებას მხარი დაუჭირა

საქართველოს ბანკის მხარდაჭერით, “ბაზარი ორბელიანზე” მეწარმე ქალების პროდუქციის გამოფენა-გაყიდვა გაიმართება