„ვიცი, როგორ დავასრულო ქვეყანაში გაბატონებული დანაშაული და იმედი მაქვს, რომ მალე შევძლებ საქართველოს დახმარებას“, - დაწერა სოციალურ ქსელში საქართველოს ყოფილმა პრეზიდენტმა, მიხეილ სააკაშვილმა.

მისი თქმით, საკუთარი დადებითი და უარყოფითი გამოცდილება შეიძლება ქვეყანას დაეხმაროს.

„ბათომში, იმ სახლის მოპირდაპირედ, სადაც ალისა რამდენიმე დღით აპირებდა დასვენებას, გუშინწინ მამაკაცს ესროლეს. მახსოვს მსგავსი კრიმინალური სიტუაცია 90-იანი წლების დასაწყისში. დანაშაულის გავრცელება, მისი შეკვეთილი მკვლელობებითა და ქუჩებში „უკანონობით“, გარდაუვალია, როდესაც ქვეყანას მართავს კლასიკური მაფია დონ კორლეონეს, ივანიშვილის მეთაურობით, რომელიც თავის ბიზნეს პრობლემებს დაპატიმრებებით და შემდეგ ციხეში ანგარიშსწორებით წყვეტს. ამ სიტუაციაში, ისევე როგორც შევარდნაძის დროს, პოლიცია თავად გახდა დამნაშავე. ჩემი დადებითი და უარყოფითი გამოცდილების გათვალისწინებით, შემიძლია დავეხმარო საქართველოს. ვიცი, რომ ქვეყანაში კრიმინალურ ქაოსს დავასრულებ და იმედი მაქვს, რომ მალე შევძლებ საქართველოს ამ პრობლემების დაძლევაში დახმარებას“, - წერს მიხეილ სააკაშვილი.

ავტორი: ექსპრესნიუსი,

სოციალური ქსელები

ახალგორის რაიონში გახშირდა ჩხრეკები და მობილური ტელეფონების ჩამორთმევის ფაქტები - DRI

PSP-ში K-Beauty გათამაშებაში 1000 პრიზთან ერთად შეგიძლიათ მოიგოთ სამოგზაურო ტური სამხრეთ კორეაში!

პოლიციამ 107 შეკვრად დაფასოებული ნარკოტიკი ამოიღო - დაკავებულია 2 პირი

თბილისში კაცი ცოლის არასრულწლოვან შვილიშვილებს პერიოდულად აუპატიურებდა