მოსკოვის დომოდედოვოს აეროპორტში პოლიციამ დააკავა ჩეჩენი იდრის არსამიკოვი, რომელიც  ემალებოდა კადიროვის რეჟიმის დევნას მისი ჰომოსექსუალობის გამო. 2018 წელს, წამების შემდეგ, იდრისმა დატოვა რუსეთი და მიიღო თავშესაფარი ნიდერლანდებში.

2022 წლის გაზაფხულზე იგი ჩეჩნეთში ჩავიდა მამის დაკრძალვაზე. იქ ის საბუთების გარეშე დარჩა და მხოლოდ ახლა შეძლო მოსკოვში გაქცევა ნიდერლანდებში დასაბრუნებლად.

დომოდედოვოს აეროპორტში ის ჩეჩენ პოლიციელებს გადასცეს, რომლებმაც იდრის არსამიკოვი გაურკვეველი მიმართულებით წაიყვანეს.

მიუხედავად იმისა, რომ ოპერატორმა ადგილობრივ პოლიციას საბუთები არ აჩვენა და ადვოკატს დაკავებულის სტატუსის შესახებ ინფორმაციის მიწოდებაზე უარი თქვა. უფლებადამცველები ვარაუდობენ, რომ მას ჩეჩნეთის შელკოვსკის რაიონში პოლიციის განყოფილებაში გადაიყვანენ, სადაც ის უკვე აწამეს.
არსამიკოვი 16 თებერვლის ღამეს დააკავეს, მესაზღვრეებმა ის სარდაფში წაიყვანეს, მაგრამ მან მოახერხა დაეწერა შეტყობინება, რომ მის წასაყვანად ჩეჩნეთის უშიშროების ძალები მოსკოვში ჩავიდნენ. იდრისის თქმით, მას ჰომოსექსუალობისთვის დევნიან, 2018 წელს ის უკვე გაიტაცეს გროზნოს მახლობლად, სცემეს და აწამეს ელექტროშოკერით.

ავტორი: ექსპრესნიუსი,

სოციალური ქსელები

ეროვნულ ბოტანიკურ ბაღში იასამნების ყვავილობის დღეები დაიწყო

კალაძე - ახლა მიხვდნენ ხომ, არჩევნები რომ მნიშვნელოვანია?! - ხალხმა, ყველაფერი კარგად იცის, ვინ ვინ არის

კალაძე: რატომ გინდათ ყველაფერში ცუდი ეძიოთ? აბასთუმანში თვითმფრინავების გამონაბოლქვი პრობლემას ქმნიდა

სელფი მობაილის ქსელის განახლება: მომხმარებლის კმაყოფილების ზრდა