საპარლამენტო უმრავლესობის წევრი ზაქარია ქუცნაშვილი გენერალურ ისპექციას მოუწოდებს, „ნაციონალური მოძრაობის“ მიერ გავრცელებულ  ვიდეოებში ასახული ფაქტებით დაინტერესდეს.
ქუცნაშვილის შეფასებით, უცენზურო სიტყვებით კანონდარღვევა, საზოგადოებრივ მორალზე უარყოფით გავლენას ახდენს და სამართალდამცავი სტრუქტურების დისკრედიტაციას იწვევს.
„გენერალურ ისპექციას მოვუწოდებ, რომ იმ  საკითხების გამოკვლევით დაკავდეს, რამდენად სწორად ექცევიან იმ სამართალდამცველებს, რომლებიც სწორ რეაგირებას ახდენენ უცენზურო სიტყვებით კანონდარღევითი თუ ადმინისტრაციული ხასიათის ცდომილებებზე. აქედან გამომდინარე, ზოგადად ასეთი უცენზურო დამოკიდებულება უარყოფით დამოკიდებულებას ახდენს საზოგადოებრივ მორალზე  და თავისთავად იწვევს სამართალდამცავი სტრუქტურების დისკრედიტაციას“, – განაცხადა ქუცნაშვილმა.
 ცნობისთვის, გუშინ  „ნაციონალური მოძრაობის“ წევრებმა ჩანაწერები გაავრცელეს, სადაც ყურშიტაშვილი პატრულის თანამშრომლებს უწმაწური სიტყვით მიმართავს და ეუბნება, რომ ის საპატრულო პოლიციის დეპარტამენტის დირექტორის დავით ცინარიძის ახლობელია.
დღეს, „ნაციონალური მოძრაობა“ კიდევ ერთ ვიდეოს ავრცელებს, სადაც ჩანს, მოქალაქე პოლიციას როგორ ეწინაღმდეგება. ვიდეოს მიხედვით, მოქალაქე საბუთების ჩვენებაზე უარს აცხადებს.
“ზურა ვარ ბერიკაშვილი, ძალიან დიდ შეცდომას უშვებთ. პოლკოვნიკი ვარ რა დარღვევა”- ასე მიმართავს პირი საპატრულო პოლიციის თანამშრომელს.  
კადრებში ასევე  ჩანს, რომ მოქალაქე იარაღის ამოღებას ცდილობს, სამართალდამცავების რეაგირების შემდეგ კი ამბობს, რომ მას იარაღი ამოუვარდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

„ოცნების“ წარმომადგენელი: უნგრეთის მომავალი პრემიერ-მინისტრის განცხადება მისასალმებელია

საიამ ემიგრანტებისთვის საზღვარგარეთ ხმის მიცემის აკრძალვა საკონსტიტუციოში გაასაჩივრა

აფხაზეთიდან საოკუპაციო ძალებმა დედა-შვილი საქართველოს დროშის ქვეშ ფოტოს გადაღების გამო გააძევეს.

აშშ-ის მიერ ირანის პორტების ბლოკადა ძალაში შევიდა. ტრამპი „თავდამსხმელი გემების“ განადგურებით იმუქრება