თბილისის მერიისა და საკრებულოს გადაწყვეტილებით უძრავი ქონების გასხვისების ახალი წესი დამტკიცდა.

ამის შესახებ დედაქალაქის მერის მოადგილემ ალექსანდრე მარგიშვილმა მერიაში გამართულ პრესკონფერენციაზე განაცხადა. 

მისივე განმარტებით, ცვლილების თანახმად, აუქციონი ერთი დღის ნაცვლად რამდენიმე დღე გაგრძელდება, დაინტერესებულ პირს კი,  ვაჭრობა აუქციონის ვადის ამოწურვამდე შეუძლია. 

უძრავი ქონების საწყის საპრივატიზებო ფასს კი, დამოუკიდებელი აუდიტის მიერ დადგენილი ფასის მიხედვით საკრებულო დაამტკიცებს. 

„თბილისის მერიის და საკრებულოს გადაწყვეტილებით უძრავი ქონების ახალი წესი დამტკიცდა. საუბარია თბილისის მერიის საკუთრებაში არსებულ მიწებზე. გასხვისების წესი გამარტივდა, გახდა უფრო დემოკრატიული და ნებისმიერ მსურველს საშუალება ეძლევა აუქციონში მონაწილეობა  მიიღოს.  ცვლილების მიხედვით აქამდე თუ აუქციონი ერთ დღიანი იყო, ამიერიდან ის რამდენიმე დღეს გასტანს. დაინტერესებულ პირს შეეძლება, ვაჭრობა აუქციონის გამოცხადების პირველივე დღეს დაიწყოს და აუქციონის ვადის ამოწურვამდე ივაჭროს. აუქციონზე საკუთრების უფლების ფორმით გასასხვისებლად დღეს 12:00 საათზე  58 ერთეული ლოტია გამოტანილი  და ამ პროცედურებს ჩვენ 2 კვირის განმავლობაში გავატარებთ“, – აღნიშნა მარგიშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აშშ-ის მიერ ირანის პორტების ბლოკადა ძალაში შევიდა. ტრამპი „თავდამსხმელი გემების“ განადგურებით იმუქრება

უკრაინამ ერთ თვეში მეორედ შეუტია ევროპაში უდიდეს რუსულ ფოსფატურ სასუქების ქარხანას

პეტერ მადიარმა უნგრეთის საგარეო საქმეთა მინისტრი კონფიდენციალური დოკუმენტების განადგურებაში დაადანაშაულა

მადიარი -ორბანი საკუთარი ხალხის პრობლემებზე არ საუბრობდა, ის მოსახლეობას ომით აშინებდა