ძაბირაძე: როგორც ჩანს მთავრობის ის შემადგენლობა რაც დღეს არის, კვირიკაშვილისთვის უფრო კომფორტულია

2016-11-27 16:51:17, 2042 ნახვა

სპორტი

„მინისტრთა კაბინეტში ძირითადად ეკონომიკური გუნდის განახლება მოხდა, ეს მთავრობა თვისობრივად არ განსხვავდება იმ მთავრობისგან, რომელიც არჩევნებამდე იყო“,-ამის შესახებ ექსპერტმა პოლიტიკურ საკითხებში ვახტანგ ძაბირაძემ „ექსპრესნიუსს“ მინისტრთა კაბინეტის ახალ შემადგენლობასთან დაკავშირებით განუცხადა.

ექსპერტის შეფასებით, მთავრობა თუ იმავე სტილში გააგრძელებს ფუნქციონირებას, როგორც ოთხი წლის წინ, რაიმე მნიშვნელოვანი შედეგი მოსალოდნელი არ არის.

„მინისტრთა კაბინეტში მოხდა განახლება და ძირითადად ეკონომიკური გუნდის. ეს მთავრობა თვისობრივად არ განსხვავდება იმ მთავრობისგან, რომელიც არჩევნებამდე იყო. ეკონომიკურ გუნდში გადაჯგუფებები უფრო მგონია, რომ გამოწვეულია ორი მიზეზით. ერთი რომ ეკონომიკური ვითარება არცთუ ისე სახარბიელოა ქვეყანაში და განახლებული გუნდი მაინც მიანიშნებს იმაზე, რომ ეს გუნდი უკეთ იმუშავებს. მეორე, როგორც ჩანს კვირიკაშვილისთვის მთავრობის ის შემდგენლობა რაც დღეს არის უფრო კომფორტულია. სხვა უფრო ღრმა და თვისობრივ ცვლილებებს მთავრობის მოქმედებაში და არა პერსონალურ შემადგენლობაში ვერ ვხედავ. არამგონია, რომ ამ პერსონალიებით თუ მთავრობა იმავე სტილში გააგრძელებს ფუნქციონირებას, როგორც ფუნქციონირებდა 4 წლის განმავლობაში რაიმე მნიშვნელოვან შედეგს მივაღწიოთ. ვნახოთ მთავრობა საქმიანობას როგორ წარმართავს და უახლოეს მომავალში კონტურები თუ არა რაღაც სიმპტომები მაინც გაჩნდება“,-განაცხადა ვახტანგ ძაბირაძემ.