დავით ონოფრიშვილი: ბიუჯეტის 140 მილიონი ლარით შემცირება საკმარისი არაა

„თავისუფალი დემოკრატების“ წევრის, პარლამენტის საფინანსო-საბიუჯეტო კომიტეტის ყოფილი თავმჯდომარის შეფასებით, ბიუჯეტის 140 მილიონი ლარით შემცირება საკმარისი არაა.

ამის შესახებ დავით ონოფრიშვილმა ბიუჯეტის კორექტირების საკითხზე ჟურნალისტებს განუცხადა.

მისი თქმით, იმისათვის, რომ წლის ბოლოს ბიუჯეტში გარღვევა არ აღმოჩნდეს, მისი შემცირება 200-300 მილიონით უნდა მომხდარიყო.

„თუკი მთავორბა ამბობს, რომ ეკონომიკური ზრდა იქნება ორი პროცენტი, 140 მილიონი ლარით ბიუჯეტის შემცირება საკმარისი არაა. ჩვენ თავიდანვე ვამბობდით, რომ 200-300 მილიონით უნდა იყოს შემცირებული ბიუჯეტი, რათა დაბალანსდეს და წლის ბოლოს გარღვევა არ აღმოჩნდეს“, - განაცხადა დავით ონოფრიშვილმა.

მისივე თქმით, ბიუჯეტის კორექტირება მნიშვნელოვნად დაგვიანდა და ხარჯების შემცირება სულ უფრო ძნელი იქნება.

„უკვე ივნისის შუა რიცხვებია და პარლამენტში არ შემოსულა კორექტიორებული ვარიანტი. ფაქტია, რომ დრო გადის და ხარჯების შემცირება სულ უფრო და უფრო გაჭირდება. წლის პირველ ნახევართან ერთად, ეს ხარჯებიც გაწეული იქნება. ბიუჯეტის კორექტირება მნიშვნელოვნად დაგვიანდა, თუმცა პარლამენტში ხმის მიცემით, კორექტირებულ ბიუჯეტს სხვა ძალა აქვს და ცხადია ეს ხარჯები ვეღარ გაიწევა. თუკი ამ ხარჯების გაწევა მაინც მოხდება, ეს რა თქმა უნდა პრობლემებს შექმნის როგორც ბიუჯეტში, ასევე ლარის კურსთან დაკავშირებით“, - განაცხადა დავით ონოფრიშვილმა.

მისივე ინფორმაციით, ბიუჯეტის კორექტირებული ვარიანტი პარლამენტში, სავარაუდოდ, მიმდინარე კვირაში შევა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ფიკომ უკმაყოფილება გამოთქვა, რომ ლიეტუვა და ლატვია მის თვითმფრინავს 9 მაისს მოსკოვში არ გაუშვებენ

ზელენსკი: რუსეთის წინააღმდეგ სანქციების შერბილების გაგრძელება აძლიერებს რუსეთის ლიდერების ილუზიას, რომ შეუძლიათ ომის გაგრძელება

მილანში ულტრამემარჯვენეების წინააღმდეგ გამართული საპროტესტო აქციის დროს არეულობა დაიწყო - ვიდეო

პირადი ცხოვრების საიდუმლოს ხელყოფის და სქესობრივი კავშირის იძულების ფაქტებზე ერთი პირია დაკავებული