საქართველოს თავდაცვის სამინისტროს შემეცნებით-საგანმანათლებლო ცენტრში წიგნის პრეზენტაცია გაიმართა.

უწყების ინფორამციით, დავით აღმაშენებლის სახელობის საქართველოს ეროვნული თავდაცვის აკადემიის სამეთაურო-საშტაბო სკოლის ოპერატიული, გაერთიანებული და ნატოს დონის ოპერაციების დაგეგმვის კურსის უფროსმა ინსტრუქტორმა, პოლკოვნიკმა არჩილ ჩაჩხიანმა სამხედრო-ისტორიული ხასიათის წიგნი „რუსეთ-საქართველოს სამხედრო-პოლიტიკური ურთიერთობები და საბრძოლო მოქმედებები აფხაზეთის რეგიონსა და შავიზღვისპირეთში (1918-1920 წლები)“ დაწერა.

ავტორმა 1918-1920 წლებში აფხაზეთსა და შავიზღვისპირეთში ქართული შენაერთების საბრძოლო მოქმედებები მეცნიერულ ჭრილში მიმოიხილა.

წიგნი  საქართველოს შეიარაღებული ძალების ოფიცრებისა და მეცნიერ-ისტორიკოსებისთვის, აგრეთვე სამხედრო ისტორიით დაინტერესებულ მკითხველთა ფართო წრისთვისაა განკუთვნილი.

წიგნის პრეზენტაციას თავდაცვის მინისტრის პირველი მოადგილე გოჩა რატიანი, საქართველოს შეიარაღებული ძალების გენერალური შტაბის უფროსის მოადგილე, პოლკოვნიკი რომან ჯოხაძე და გენერალური შტაბის სტრუქტურული ერთეულების წარმომადგენლები დაესწრნენ. პრეზენტაციაზე  მოწვეულნი იყვნენ ასევე, სხვადასხვა უმაღლესი სასწავლებლის პროფესორები. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აშშ-ის მიერ ირანის პორტების ბლოკადა ძალაში შევიდა. ტრამპი „თავდამსხმელი გემების“ განადგურებით იმუქრება

უკრაინამ ერთ თვეში მეორედ შეუტია ევროპაში უდიდეს რუსულ ფოსფატურ სასუქების ქარხანას

პეტერ მადიარმა უნგრეთის საგარეო საქმეთა მინისტრი კონფიდენციალური დოკუმენტების განადგურებაში დაადანაშაულა

მადიარი -ორბანი საკუთარი ხალხის პრობლემებზე არ საუბრობდა, ის მოსახლეობას ომით აშინებდა