ბრიუსელის მეტროსადგურ მალბეკში მომხდარი თავდასხმის შედეგად გარდაცვლილთა რაოდენობამ 15 ადამიანს მიაღწია, ხოლო 55 დაშავებულია, - ამის შესახებ ინფორმაციას დასავლური მედია ბრიუსელის მეტროს ოპერატორ კომპანიაზე დაყრდნობით ავრცელებს.

მანამდე ბელგიის მთავარმა პროკურატურამ ოფიციალურად დაადასტურა, რომ ბრიუსელში მომხდარი აფეთქებები ტერორისტული აქტები იყო და "ისლამური სახელმწიფოს" მიერ იყო განხორციელებული.

ცნობისთვის, ბრიუსელის აეროპორტშიც და მეტროსადგურებში მომხდარ აფეთქებებზეც პასუხისმგებლობა ISIS-მა უკვე აიღო.

აღსანიშნავია, რომ ადგილობრივ ხელისუფლებას დაღუპულთა ზუსტი რაოდენობის შესახებ ინფორმაცია ჯერჯერობით არ გამოუქვეყნებია.

შეგახსენებთ, ბოლო ინფორმაციით, აეროპორტში მომხდარ აფეთქებას 10 ადამიანი ემსხვერპლა. ამ ინფორმაციას, დასავლური მედია პრემიერ-მინისტრზე დაყრდნობით ავრცელებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კიევში შეიარაღებულმა პირმა ავტომატური იარაღიდან ცეცხლი გაუხსნა ხალხს, არიან დაღუპულები და დაჭრილები.

მეუღლის არასრულწლოვანი შვილების გაუპატიურებაში ბრალდებული სტუ-ს თანამშრომელი იყო

აშშ-მ კუბასთან საიდუმლო მოლაპარაკებები გამართა, ბოლო 10 წლის განმავლობაში პირველად

ირანი უარყოფს ტრამპის განცხადებას გამდიდრებული ურანის აშშ-ში გადაცემაზე დათანხმების შესახებ