საუდის არაბეთის ქალაქ ერ რიადში აშშ-უკრაინის მოლაპარაკებები ახლახან დასრულდა.

უკრაინის პრეზიდენტის ოფისის უფროსის მოადგილემ, იგორ პალისამ განაცხადა, რომ უკრაინის დელეგაცია რუსულ მხარესთან შეხვედრებს არ გამართავს

 უკრაინის თავდაცვის მინისტრმა რუსტემ უმეროვის განცხადებით,  მაგიდაზე, არის წინადადებები ენერგეტიკული ობიექტებისა და ინფრასტრუქტურის უსაფრთხოების შესახებ.

"ჩვენ დავიწყეთ შეხვედრა ამერიკულ გუნდთან რიადში. ჩვენ ვასრულებთ უკრაინის პრეზიდენტის დავალებას, დაამყაროს ღირსეული მშვიდობა ჩვენს ქვეყანაში და უზრუნველყოს უსაფრთხოება. მაგიდაზე, კერძოდ, არის წინადადებები ენერგეტიკული ობიექტებისა და ინფრასტრუქტურის უსაფრთხოების შესახებ", - განაცხადა მინისტრმა.

უმეროვმა აღნიშნა, რომ დღეს მხარეები რიგ რთულ ტექნიკურ საკითხზე იმუშავებენ. მისი თქმით, უკრაინის დელეგაციაში შედიან ენერგეტიკის სპეციალისტები, ასევე სამხედრო წარმომადგენლები საზღვაო და საჰაერო კომპონენტებიდან.

10 მარტს პრეზიდენტი ზელენსკი საუდის არაბეთში ჩავიდა და პრინც მუჰამედ ბინ სალმან ალ საუდს შეხვდა. მოგვიანებით მან განაცხადა, რომ უკრაინის დელეგაცია მოლაპარაკებებისთვის ქვეყანაში დარჩება.

11 მარტს ქალაქ ჯედაში გაიმართა მოლაპარაკებები უკრაინისა და შეერთებული შტატების დელეგაციებს შორის. შეხვედრისას ქვეყნების წარმომადგენლებმა მიაღწიეს არაერთ მნიშვნელოვან შეთანხმებას.

ავტორი: ექსპრესნიუსი,

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი