საქართველოს ფინანსთა მინისტრ ნოდარ ხადურსა და მსოფლიო ბანკის აღმასრულებელ დირექტორს ფრანკ ჰემსკერკს შორის სატელეფონო საუბარი შედგა.

როგორც „ექსპრესნიუსს“ ფინანსთა სამინისტროდან აცნობეს, საუბარი შეეხო საქართველოს ეკონომიკაში მიმდინარე პროცესებს, მსოფლიო ბანკის მხარდაჭერით დაფინანსებული პროექტების მიმდინარეობას, ასევე განიხილეს ქვეყნის ეკონომიკის განვითარების სამომავლო პერსპექტივა და აღნიშნულ პროცესში მსოფლიო ბანკთან თანამშრომლობის საკითხები.  

„როგორც საუბრისას მსოფლიო ბანკის აღმასრულებელმა დირექტორმა აღნიშნა, იგი მოხარულია, რომ შენარჩუნებულია საქართველოში ეკონომიკური ზრდის ტემპი და ის მაღალია ზოგიერთ ევროპულ ქვეყანასა და ყოფილი საბჭოთა კავშირის ქვეყნებს შორის.

მხარეებმა იმედი გამოთქვეს, რომ საქართველოსა და მსოფლიო ბანკს შორის თანამშრომლობის საკითხები უფრო დეტალურად იქნება განხილული აპრილში, ვაშინგტონში, საერთაშორისო სავალუტო ფონდისა და მსოფლიო ბანკის ყოველწლიური შეხვედრის ფარგლებში დაგეგმილი ორმხრივი შეხვედრების დროს“, - ნათქვამია ფინანსთა სამინისტროს განცხადებაში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ივანიშვილის პარლამენტმა ე.წ გრანტების შესახებ კანონში ცვლილებას მხარი დაუჭირა

საქართველოს ბანკის მხარდაჭერით, “ბაზარი ორბელიანზე” მეწარმე ქალების პროდუქციის გამოფენა-გაყიდვა გაიმართება

SOLO-ს მხარდაჭერით, თბილისი თანამედროვე ხელოვნების პირველ საერთაშორისო აუქციონს უმასპინძლებს

ადამიანის უფლებათა კომისარს მოუწოდეს გამოიძიოს ივანიშვილის რეჟიმის პრაქტიკა, გააშიშვლონ პატიმარი ქალები