გარდაბანში უახლესი ტექნოლოგიებით აღჭურვილი  თბოელექტროსადგური გაიხსნა.

პროექტი 230 მილიონის ღირებულებისაა. თბოელქტროსადგურის სიმძლავრე  257 მეგავატია და იგი ყოველწლიურად 1,6 მილიარდ კილოვატ ელექტროენერგიას გამოიმუშავებს. პროექტი საპარტნიორო ფონდისა და ნავთობისა და გაზის კორპორაციის დაფინანსებით განხორციელდა.

თბოელექტროსადგურის გახსნას  საქართველოს პრემიერ-მინისტრი ირაკლი ღარიბაშვილი დაესწრო.

როგორც პრემიერმა აღნიშნა, გარდაბნის თბოელექტროსადგური ქვეყნის ენერგოუსაფრთხოების თვალსაზრისით, სერიოზული დასაყრდენი იქნება.

"დღეს არის მართლაც ძალიან მნიშვნელოვანი დღე. დღეს ჩვენ ვხსნით საქართველოში პირველი კომბინირებული ციკლის თბოელექტროსადგურს. ეს არის ყველაზე მასშტაბური ენერგეტიკული პროექტი დამოუკიდებელი საქართველოს ისტორიაში, ამიტომ მე მინდა ყველას მოგილოცოთ დღევანდელი დღე. ეს არის უახლესი ტექნოლოგიებით, უახლესი ტურბინებით აღჭურვილი თბოელექტროსადგური. მე მართლაც დარწმუნებული ვარ, რომ გარდაბნის თბოელექტროსადგური დიდ სარგებელს მოუტანს ჩვენს ქვეყანას და კიდევ უფრო გააძლიერებს, მეტად დამოუკიდებელს გახდის ჩვენს ენერგოუსაფრთხოებას. მე ასევე მინდა ავღნიშნო, რომ ეს ობიექტი იქნება მართლაც სერიოზული დასაყრდენი ჩვენი ქვეყნის ენერგოუსაფრთხოების თვალსაზრისით.  შეიძლება თამამად ვთქვათ, რომ ეს არის საქართველოს ენერგეტიკის განვითარების სრულიად ახალი ეტაპი. მე მინდა ჩვენს ხალხს მივულოცო ეს წარმატება და ვუსურვო, რომ ჩვენი ხელისუფლების პირობებში კიდევ უფრო მეტი ასეთი პროექტი გაგვეხორციელებინოს",-განაცხადა ირაკლი ღარიბაშვილმა.

პრემიერმა პროექტის განხორციელებისთვის საპარტნიორო ფონდს, ნავთობისა და გაზის კორპორაციას და თბოსადგურის მშენებლ თურქულ კომპანია „ჩალიკ ენერჯის“ მადლობა გადაუხადა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მილანში ულტრამემარჯვენეების წინააღმდეგ გამართული საპროტესტო აქციის დროს არეულობა დაიწყო - ვიდეო

პირადი ცხოვრების საიდუმლოს ხელყოფის და სქესობრივი კავშირის იძულების ფაქტებზე ერთი პირია დაკავებული

შსს: დავაკავეთ კაცი, ფიზიკური შეურაცხყოფა მიაყენა ქალს, სიცოცხლის მოსპობით დაემუქრა

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს