საქართველოს პრეზიდენტმა გიორგი მარგველაშვილმა  შეწყალების მორიგ აქტს მოაწერა ხელი.

როგორც შეწყალების კომისიის თავჯდომარე ზვიად ქორიძემ პრეზიდენტის ადმინისტრაციაში გამართულ ბრიფინგზე განაცხადა,  გიორგი მარგველაშვილმა 226 მსჯავრდებული შეიწყალა. აქედან 14 ქალბატონი და 1 არასრულწლოვანია.

ქორიძის ინფორმაციით, 226 მსჯავრდებულიდან საპატიმროს 180 მსჯავრდებული დღეს დატოვებს, მათ შორის  10 ქალბატონი და 1 არასრულწლოვანია.   დანარჩენ 46 მსჯავრდებულს სასჯელი შეუმცირდა, აქედან 4 ქალბატონია.

 ზვიად ქორიძის განმარტებით,  შეწყალების გადაწყვეტილება პრეზიდენტმა დღეს მიიღო და შეწყალების საკითხთა კომისიის რეკომენდაციას დაეყრდნო.

მისივე თქმით, შეწყალების საკითხთა კომისიამ ინფორმაციის სახით, ჯამში,  1329 პირის საქმე განიხილა. შეწყალებულთა შორის, ნარკოტიკული დანაშაულისთვის მსჯავრდებული პირები ჭარბობენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აშშ-მ ამერიკული ხელოვნური ინტელექტის კოპირებისთვის ჩინეთისა და რუსეთის წინააღმდეგ სანქციების დაწესების განხილვა დაიწყო

აშშ-მ ირანისა და ირანის მხარდამჭერი გემების დევნა დაიწყო

ოცნება მცირე მეღვინეობებისთვის წესებს შეცვლის და ხარისხის კონტროლს გაამკაცრებს

პაპუაშვილი აბასთუმნის ცის დაკეტვაზე - რადიკალური ოპოზიცია ცდილობს, არ დაუშვან სამეცნიერო პოტენციალის ათვისება