აღსრულების ეროვნული ბიურო აქტიურად განაგრძობს პრევენციული კომუნიკაციის პროგრამას 17-18 წლის მოზარდებთან. მორიგი შეხვედრა თბილისის 207-ე საჯარო სკოლაში გაიმართა. საუბრის მთავარი თემა შეუსრულებელი ვალდებულებებისა და ვალაუვალობის შესახებ სამოქალაქო ცნობიერების ამაღლება იყო. 
დამამთავრებელი კლასის მოსწავლეებმა მოისმინეს პრეზენტაცია, თუ რა უნდა იცოდნენ ვალის, ფინანსური ვალდებულებებისა და ადმინისტრაციული სახდელის შესახებ; რის უფლება აქვთ თავდებობის შემთხვევაში; როგორ დაიცვან თავი არასასურველი ვალისგან; რა უნდა გაითვალისწინონ იპოთეკის ხელშეკრულების დადებისას; რა ვადებში უნდა გადაიხადონ ადმინისტრაციული ჯარიმა, რათა თავიდან აიცილონ დამატებითი ხარჯები, დრო და ენერგია.
პრეზენტაციის შემდეგ მოსწავლეებსა და აღსრულების ეროვნული ბიუროს თანამშრომლებს შორის ფინანსურ ვალდებულებებთან დაკავშირებით დისკუსია გაიმართა.

ინფორმაციისთვის: პროექტი შვედეთის განვითარებისა და თანამშრომლობის სააგენტოსთან (SIDA) ერთად ხორციელდება. აღსრულების ეროვნულ ბიუროში შექმნილ სამუშაო ჯგუფსა და შვედ ექსპერტებს შორის გამართული შეხვედრების შედეგად გადაწყდა საპილოტე პროექტის ჩაშვება, რომლითაც მოხდება დამამთავრებელი კლასების მოსწავლეების ინფორმირება ვალაუვალობის რისკებსა და მოსალოდნელ შედეგებზე. გარდა ამისა, სასკოლო ინფორმაციის პაკეტის შინაარსი, ასევე, შეიძლება მოიცავდეს ინფორმაციას აღსრულების ეროვნულ ბიუროზე, მის ფუნქციაზე, დემოკრატიულ და თანამედროვე საზოგადოებებში სააღსრულებო სისტემების საჭიროებაზე. 
აღსრულების ეროვნული ბიურო მომავალშიც გეგმავს, აქტიურად იმუშაოს პრევენციული კომუნიკაციის განხორციელების მიმართულებით. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ქართველი სამხედრო გიორგი კუპარაშვილი, უკრაინის შეიარაღებული ძალების მესამე არმიის კორპუსის პოლკის მეთაურად დაინიშნა

ფიკომ უკმაყოფილება გამოთქვა, რომ ლიეტუვა და ლატვია მის თვითმფრინავს 9 მაისს მოსკოვში არ გაუშვებენ

ზელენსკი: რუსეთის წინააღმდეგ სანქციების შერბილების გაგრძელება აძლიერებს რუსეთის ლიდერების ილუზიას, რომ შეუძლიათ ომის გაგრძელება

მილანში ულტრამემარჯვენეების წინააღმდეგ გამართული საპროტესტო აქციის დროს არეულობა დაიწყო - ვიდეო