2015-03-21 15:52:41, 464 ნახვა
პოლიტიკა
გია ბარამიძე: დღეს არის ჩვენი გამარჯვების დასაწყისი
ეს არის ჩვენი ბრძოლის ძალიან მნიშვნელოვანი ეტაპი. ეს არის ჩვენი გამარჯვების დასაწყისი და ივანიშვილის მთავრობის დასასრული, - ამის შესახებ „ნაციონალური მოძრაობის“ წევრმა გია ბარამიძემ „ექსპრესნიუსს“ განუცხადა
როგორც ბარამიძემ აღნიშნა, ივანიშვილის დაპირებები თავიდანვე ცხადი იყო, რომ არ შესრულდებოდა.
„იმის გამო, რომ ივანიშვილმა დაპირებები, რომელიც იმთავითვე ცხადი იყო, რომ არ შესრულდებოდა, შესრულების ნაცვლად ქვეყანა უკუსვლით წაიყვანა. ნაცვლად სამუშაო ადგილების მომატებისა, ქვეყანაში სამუშაო ადგილები შემცირდა, ნაცვლად მოქალაქეების მდგომარეობის გაუმჯობესებისა, უფრო მეტად გაღარიბდა ჩვენი ხალხის ძალიან მნიშვნელოვანი ნაწილი. დღეს გვაქვს მძიმე ეკონომიკური ვითარება, რომელსაც არც კი აღიარებს ივანიშვილის უნიათო მთავრობა“, - განაცხადა გია ბარამიძემ.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
