ეუთო-ს საპარლამენტო ასამბლეაში უკრაინის დელეგაციის წარმომადგენლის, ნესტორ შუფრიჩის განცხადებით, მინსკის შეთანხმებას საფრთხე ემუქრება.

ამის შესახებ ჩეფჩილმა თბილისში მიმდინარე ეუთო-ს საპარლამენტო ასამბლეის 25-ე სესიაზე სიტყვით გამოსვლისას განაცხადა.

„სამწუხაროდ არ შემიძლია არ დავეთანხმო მომხსენებლებს, რომლებმაც აღნიშნეს, რომ უკრაინის საზღვართან რეალური საფრთხე არსებობს, სადაც კონფლიქტური სიტუაცია საომარ ფაზაშია გაჭედილი. სამწუხაროდ, ეს სიმართლეა“, - განაცხადა შუფრიჩმა.

რუსეთის ფედერაციის წარმომადგენელმა, ლეონიდ სლუცკიმ კი აღნიშნა, რომ რეზოლუციის პროექტი, რომელიც ყირიმის ნახევარკუნძულზე ადამიანის უფლებების დაცვას ეხება, რუსეთის მხრიდან ყურადღებას არ იმსახურებს.

„სამწუხაროდ გამუდმებით ანადგურებენ ჩვენს მეომრებსა და მშვიდობიან მოსახლეობას. უკრაინა იმ შეიარაღებას იყენებს, რომელიც მინსკის შეთანხმების მიღებით აკრძალულია. რაც შეეხება დონბასის არჩევნებს, რაც კი უსაფრთხოების საკითხს ეხება, კიევი უნდა დათანახმდეს. აქ წარდგენილი საკითხი ძალიან დაკვირვებით უნდა განვიხილოთ. რეზოლუცია მოსკოვის წინააღმდეგ უსაფუძვლო ბრალდებებს ითვალისწინებს. მინდა ავღნიშნო, რომ ეს რეზოლუციის პროექტი ჩვენს ყურადღებას არ იმსახურებს“, - განაცხადა სლუცკიმ.

ცნობისთვის, ცნობისთვის, თბილისში, საგამოფენო ცენტრ „ექსპო ჯორჯიაში“, ეუთო-ს საპარლამენტო ასამბლეის 25-ე, ყოველწლიური სესიის მეორე დღე მიმდინარეობს. 

ეუთოს მომხსენებლები რეზოლუციის პროექტს განიხილავენ, რომელიც ყირიმში ადამიანის უფლებების დარღვევის საკითხებს უკავშირდება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ქართველი სამხედრო გიორგი კუპარაშვილი, უკრაინის შეიარაღებული ძალების მესამე არმიის კორპუსის პოლკის მეთაურად დაინიშნა

ფიკომ უკმაყოფილება გამოთქვა, რომ ლიეტუვა და ლატვია მის თვითმფრინავს 9 მაისს მოსკოვში არ გაუშვებენ

ზელენსკი: რუსეთის წინააღმდეგ სანქციების შერბილების გაგრძელება აძლიერებს რუსეთის ლიდერების ილუზიას, რომ შეუძლიათ ომის გაგრძელება

მილანში ულტრამემარჯვენეების წინააღმდეგ გამართული საპროტესტო აქციის დროს არეულობა დაიწყო - ვიდეო