2016-06-17 11:42:05, 1250 ნახვა
მსოფლიო
გაერო-მ "ისლამური სახელმწიფო" ერაყისა და სირიის ტერიტორიებზე იეზიდთა გენოციდში დაადანაშაულა
გაერო-მ "ისლამური სახელმწიფო" ერაყისა და სირიის ტერიტორიებზე იეზიდთა გენოციდში დაადანაშაულა, - ამის შესახებ BBC იუწყება.
როგორც მედია საშუალება, გაერო-ს სპეციალური კომისიის მიერ მომზადებულ ანგარიშზე დაყრდნობით წერს, "ისლამური სახელმწიფოს" ტერორისტები აღნიშნულ ეთნიკურ-რელიგიურ ჯგუფს განსაკუთრებული სისასტიკით ეპყრობა.
მედიის ცნობით, დოკუმენტში საუბარია "ისლამური სახელმწიფოს" ტერორისტების მიერ მოკლული ათასობით იეზიდის შესახებ. ამასთან, მონობაში მყოფი ქალებისა და ბავშვების შესახებ, ვრცელდება ინფორმაცია.
ანგარიშში აღნიშნულია, რომ "ისლამურმა სახელმწიფომ" იეზიდთა სრული განადგურება მიზნად დაისახა. გაერო-ს კომისია საერთაშორისო საზოგადოებას იეზიდთა გენოციდის აღიარებასა და მათ გადასარჩენად ძალისხმევის გააქტიურებისკენ მოუწოდებს.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
