აჭარის ჯანმრთელობისა და სოციალური დაცვის სამინისტროს "ეკომიგრანტი  ოჯახების საცხოვრებლით უზრუნველყოფის პროგრამით“ ხულოს მუნიციპალიტეტის სოფელ ვერნებში მცხოვრები სამოცი ოჯახი ისარგებლებს. მეწყერსაშიშ ზონაში მცხოვრები ოჯახების პროგრამაში ჩართვის საკითხი დღეს სპეციალურ კომისიაზე განიხილეს, რომელსაც მინისტრის მოადგილე ედუარდ ნაკაშიძე ხელმძღვანელობდა.

"კომისიის მორიგ სხდომაზე, ხულოს მუნიციპალიტეტის მერიის შუამდგომლობები განვიხილეთ, რომელიც სოფელ ვერნებში, სტიქიის ზონაში მცხოვრები ოჯახების პროგრამაში ჩართვას ითვალისწინებდა. საკითხი დადებითად გადაწყდა, დაზარალებულებს უკვე შეუძლიათ მოიძიონ უსაფრთხო საცხოვრისი და გაზრდილი დაფინანსებით შეიძინონ ალტერნატიული საცხოვრებელი ფართები. წელს სამინისტრომ თანადაფინანსება 40 000 ლარამდე გაზარდა“ - აღნიშნა მინისტრის მოადგილემ, ედუარდ ნაკაშიძემ.

მიმდინარე წელს პროგრამის ბიუჯეტი 4 080 000 ლარამდე გაიზარდა, ხოლო სახელმწიფოს მხრიდან თითოეულ ოჯახზე თანადაფინანსების წილი 40 000 ლარამდე.

2022 წელს, პროგრამის ფარგლებში შეძენილი იქნა 72 საცხოვრებელი ფართი, რისთვისაც ბიუჯეტიდან 2 160 000 ლარი გამოიყო.

ავტორი: NS (სტატია დაფინანსებულია),

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი