2015-09-19 11:57:34, 661 ნახვა
სამართალი
უგულავას ადვოკატები განაჩენის გამამტყუნებელ ნაწილს გაასაჩივრებენ
თბილისის ყოფილი მერის გიგი უგულავას ადვოკატები მოსამართლის მიერ მიღებული გამამტყუნებელი განაჩენის ნაწილს სააპელაციო წესით გაასაჩივრებენ.
ამის შესახებ უგულავას ადვოკატმა ბექა ბასილაიამ განაცხადა.
„ამ მოცულობაში, რაც დღეს გვაქვს სამართლებრივი გზები საკმაოდ შეზღუდულია, იმიტომ, რომ სასამართლოზე არის უპრეცედენტო ზეწოლა. აქედან გამომდინარე მნიშვნელოვანი არასამთავრობო ორგანიზაციებისა და დიპლომატიური კორპუსის აქტიურობა იქნება. მე მჯერა, რომ სასამართლოს ინსტანციების გავლამდეც ჩვენ ვიპოვნით იმ სამართლებრივ მექანიზმებს, რითიც ხელისუფლებას უკან დავახევინებთ“, - აცხადებს ბექა ბასიალაია.
გამამტყუნებელი განაჩენის გამოცხადების შემდეგ გიგი უგულავა მატროსოვის ციხეში გადაიყვანეს. სასჯელის სახით 4 წელი და 6 თვე განისაზღვრა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
