Bloomberg-ის ექსპერტების შეფასებით, ყაზახური ტენგეს შემდეგ მკვეთრი გაუფასურება კიდევ 10 ქვეყნის ვალუტას ემუქრება.

მიზეზად ჩინური იუანის გაუფასურება სახელდება. ამასთან, როგორც სპეციალისტები აცხადებენ, რუსული რუბლის გაუფასურება დამატებით ნეგატიურად აისახება ყოფილი საბჭოთა კავშირის ქვეყნებზე.

აღსანიშნავია, რომ Bloomberg-ის ჩამონათვალში ქართული ლარი არ აღმოჩნდა.

ექსპერტების ვარაუდით, გაუფასურება ემუქრებათ სომხეთის, ტაჯიკეთის, თურქმენეთის, ყირგიზეთის, საუდის არაბეთის ეროვნულ ვალუტებს. პროგნოზის თანახმად, შემდეგ ექვსი თვის განმავლობაში 20%-ით გაუფასურდება თურქმენული მანათი. ანალოგიური პროგნოზებია ტაჯიკურ სომონთან და ყირგიზულ სომთან მიმართებაშიც. ეგვიპტური ფუმტის ფასის 22%-ით დაცემაა ნავარაუდევი ერთი წლის განმავლობაში. მკვეთრად გაუფასურება ემუქრება თურქულ ლირასაც.

ექსპერტები მომავალი თვეების განმავლობაში აგრეთვე, ნიგერიის, განას, ზამბიისა და მალაიზიის ეროვნული ვალუტების გაუფასურებას ვარაუდობენ.

ცნობისთვის, ყაზახეთის ვალუტა ტენგე ბოლო დღეების განმავლობაში მნიშვნელოვნად გაუფასურდა. ქვეყნის მთავრობა ვალუტის რყევას ნავთობზე მსოფლიო ფასების კლებით ხსნის.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ბულგარეთის ყოფილი პრეზიდენტი რუმენ რადევი საპარლამენტო არჩევნებში ლიდერობს

ჰორმუზის სრუტეში აშშ-მ ირანის კუთვნილი ტანკერი დააკავა, ირანმა სამხედრო გემებზე დრონებით თავდასხმა განახორციელა

უკრაინამ ერთ კვირაში მეორედ დაარტყა რუსეთის ერთადერთ ნავთობგადამამუშავებელ ქარხანას შავ ზღვაზე, ერთი ადამიანი დაიღუპა.

ღმერთია და ექიმი არ სჭირდებაო - ნარიმან მაქარაშვილთან, მისი თაყვანისმცემლები ექიმს არ უშვებდნენ -ვიდეო