რუსეთის დუმის დეპუტატი ლეონიდ კალაშნიკოვი კორონავირუსით დაავადდა

2020-04-25 19:58:46, 14752 ნახვა

ომი უკრაინაში

რუსეთის სახელმწიფო დუმის დეპუდადი, ლეონიდ კალაშნიკოვი კოვიდ-19-ით დაავადდა - ამის შესახებ, დეპუტატმა "ინტერფაქსს" განუცხადა.

"დიახ მე ვიმყოფები საავადმყოფოში და კორონავირუსზე ვმკურნალობ. ჩემი მდგომარეობა არც თუ ისე კარგია", - განაცხადა კალაშნიკოვმა.

მან აღნიშნა, რომ მაღალი ტემპერატურა აქვს, მაგრამ ფილტვების ხელოვნურ ვენტილაციას არ საჭიროებს. მისი თქმით, იგი ერთ კვირაზე მეტია ინფიცირებულია, თუმცა ჰოსპიტალიზაციამდე იგი კარანტინში იმყოფებოდა.

"თავიდან ჩემი მძღოლი დაავადდა, მე მისგან დავინფიცირდი", - ყვება კალაშნიკოვი.

ამავე სააგენტოს წყარო გვაცნობებს, რომ ყველა ვინც დეპუტატთან ახლო კონტაქტშ იმყოფებოდა საკარანტინე ზონაშია გადაყვანილი. ისინი ასევე იუწყებიან, რომ ყველა ზომა მიღებულია, შენობას რომელშიც კალაშNიკოვი მუშაობდა დეზიფნექცია ჩაუტარდა.

25 აპრილის მონაცემებით, რუსეთში კოვიდ-19-ით ინფიცირებულთა რიცხვი 74,5 ათასს შეადგენს. ბოლო 24 საათშ კი ეს რიცხვი 5966-ით გაიზარდა.

Patreon P მხარი დაუჭირე "ექსპრესნიუსს" →

ავტორი: მარიამ იმერლიშვილი, ექსპრესნიუსის რეპორტიორი 2020 წლიდან