შინაგან საქმეთა სამინისტრო აგრძელებს მინისტრ ალექსანდრე ჭიკაიძის ინიციატივით დაწყებულ საქველმოქმედო აქციას საქართველოს რეგიონებში მცხოვრები, სიღარიბის ზღვარს მიღმა მყოფი ოჯახების დასახმარებლად.

შინაგან საქმეთა სამინისტროს შიდა ქართლის სამხარეო მთავარი სამმართველოს უფროსი ლევან გენგაშვილი და სამმართველოს თანამშრომლები საქველმოქმედო აქციას შეუერთდნენ.

უწყების ცნობით, გორის, ხაშურის, კასპისა და ქარელის რაიონული სამმართველოების თანამშრომლები შიდა ქართლში სიღარიბის ზღვარს მიღმა მყოფ 60-მდე ოჯახს ეწვივნენ, მათ შორის, მრავალშვილიანებსა და მარტოხელებს. პოლიციელებმა მოქალაქეებს სურსათი, სხვადასხვა დასახელების პროდუქტი გადასცეს და ბედნიერი ახალი წელი უსურვეს.

საქველმოქმედო აქციის მიზანია ზამთრის პერიოდში, სიღარიბის ზღვარს მიღმა მყოფი ოჯახების მძიმე სოციალურ-ეკონომიკური პირობების გაუმჯობესება. სამინისტრო სულ 1000-მდე ოჯახს დაეხმარება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

Reuters: აშშ ირანში ოპერაციის გამო ევროკავშირის ქვეყნებში იარაღის მიწოდებას აჭიანურებს

იტალიაში ბანკის ძარცვის მცდელობისას 25 ადამიანი მძევლად აიყვანეს

პირველად მასწავლებლებსა და მასწავლებლობის მსურველებს სამი საგნის გამოცდაზე გასვლის შესაძლებლობა ეძლევათ

მუდმივად განახლებადი მობაილბანკი - საუკეთესო ციფრული გამოცდილება თიბისისთან ერთად