2015-05-25 17:37:14, 1118 ნახვა

---

მე დამპატიჟეს ჩემი ცოლი არა - დავით მაღრაძე დამოუკიდებლობის დღის ღონისძიებებს არ დაესწრება

პოეტი დავით მაღრაძე დამოუკიდებლობის დღის აღნიშვნასთან დაკავშირებით დაგეგმილ სამთავრობო მიღებასა და კონცერტს არ დაესწრება.

დავით მაღრაძემ „ექსპრესნიუსს“ განუცხადა, ამის მიზეზი ისაა, რომ მასთან ერთად მის მეუღლეს დაგეგმილ ღონისძიებებზე მოსაწვევი არ მიუღია. „მე საქართველოს რიგითი მოქალაქე და საქართველოს ეროვნული ჰიმნის ტექსტის ავტორი არ ვიღებ საქართველოს პრემიერ-მინისტრის მოწვევას დამოუკიდებლობის დღის აღსანიშვნასთან დაკავშირებით დაგეგმილ სამთავრობო მიღებასა და კონცერტზე. რადგან მიმაჩნია, რომ საქართველოს ჰყავს უკულტურო კულტურის მინისტრი, რომელმაც სამწუხაროდ, არ იცის რომ ასეთი მნიშვნელობის დღესასწაულზე მეუღლესთან ერთად უნდა დაპატიჟონ ხელოვანი ადამიანები. რადგან ასეთი მნიშვნელობის დღესასწაულები ოჯახებთან ერთად აღინიშნება. ინდივიდუალურად, რა თქმა უნდა, ვიზეიმებ ჩემი სამშობლოს დამოუკიდელობის დღეს, მაგრამ ვინაიდან მოწვევა მოვიდა მხოლოდ ჩემზე, არ ვიღებ საქართველოს პრემიერ-მინისტრის მოწვევას დამოუკიდებლობის დღის აღნიშვნასთან დაკავშირებით დაგეგმილ ღონისძიებებზე“, - განაცხადა დავით მაღრაძემ.

---

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

---

დღის თემა

მთავარი თემა

ინტერვიუ - ექსკლუზივი