საქართველოს და ურუგვაის მატჩის შემდეგ, რომელიც საქართველოს ნაკრების გამარჯვებით, ანგარიშით 33-7 დასრულდა, პრესკონფერენციაზე "ბორჯღალოსნების" კაპიტანმა ჯაბა ბრეგვაძემ და მთავარმა მწვრთნელმა მილტონ ჰეიგმა თამაშის ორგანიზატორები გააკრიტიკეს.

სააგენტო popsport-ის ინფორმაციით, საქმე ეხება ვალერი მელაძის სიმღერას, სახელწოდებით "Чего ты хочешь от меня?", რომელიც იაპონიაში, სავარაუდოდ, გვარის გამო, ქართველ შემსრულებლად მიიჩნიეს და მატჩის დროს ეს სიმღერა რამდენჯერმე გააჟღერეს. 

საქართველოს ნაკრების კაპიტანმა, ჯაბა ბრეგვაძემ, ორგანიზატორებს მეტი ყურადღებისკენ მოუწოდა. 

“მინდა, მომენტი გამოვიყენო და თამაშის მომსახურე პერსონალს მეტი ყურადღებისკენ მოვუწოდო. მათ მატჩის დროს რუსული მელოდია ბევრჯერ ჩაგვირთეს და კარგი იქნება, თუკი ამ შეცდომას აღარ გაიმეორებენ” – აღნიშნა ბრეგვაძემ.

“თამაშისას გამოყენებული მუსიკა რუსული იყო. ამასთან დაკავშირებით, მკაფიოდ მინდა განვაცხადო, რომ რუსეთი საქართველო არაა და საქართველოც არაა რუსეთი. ჩვენ სხვადასხვა ენა, სხვადასხვა კულტურა და სხვა ყველაფერიც განსხვავებული გვაქვს. ამდენად, კარგი იქნება, თუკი მსოფლიო რაგბი ამ მხრივ მეტ ყურადღებას გამოიჩენს!” - დაამატა კაპიტნის სიტყვასსძინა ჰეიგმა.

ინფორმაცია პოპსპორტმა რაგბის საერთაშორისო მაუწყებელზე დაყრდნბით გაავრცელა.

ავტორი: ექსპრესნიუსი,

სოციალური ქსელები

ქართველი სამხედრო გიორგი კუპარაშვილი, უკრაინის შეიარაღებული ძალების მესამე არმიის კორპუსის პოლკის მეთაურად დაინიშნა

ფიკომ უკმაყოფილება გამოთქვა, რომ ლიეტუვა და ლატვია მის თვითმფრინავს 9 მაისს მოსკოვში არ გაუშვებენ

ზელენსკი: რუსეთის წინააღმდეგ სანქციების შერბილების გაგრძელება აძლიერებს რუსეთის ლიდერების ილუზიას, რომ შეუძლიათ ომის გაგრძელება

მილანში ულტრამემარჯვენეების წინააღმდეგ გამართული საპროტესტო აქციის დროს არეულობა დაიწყო - ვიდეო