საქართველოში ინტერპოლის ეროვნული ცენტრალური ბიუროს თანამშრომლებმა, სასაზღვრო სამიგრაციო კონტროლის განყოფილება „ბათუმის აეროპორტში“, 21 იანვარს, ბელორუსიიდან საქართველოს სახელმწიფო საზღვრის კვეთის დროს თურქეთის რესპუბლიკის სამართალდამცავი ორგანოების მიერ ძებნილი, საფრანგეთის რესპუბლიკის მოქალაქე, 1977 წელს დაბადებული ჰალის აიდოგანი (HalisAydogan) დააკავეს.

ამის შესახებ ინფორმაციას  საქართველოს შინაგან საქმეთა სამინისტრო ავრცელებს.

მათივე ცნობით, ანკარას ინტერპოლის მიერ, ჰალის აიდოგანი, მისი დაკავების და შემდგომი ექსტრადიციის მიზნით,  საერთაშორისო ძებნაში 2010 წლის 16 აპრილს გამოცხადდა. მას ბრალად ედება თურქეთის რესპუბლიკის სისხლის სამართლის კოდექსის 146/3-ე, 59/2-ე, 31-ე და 33–ე მუხლებით და თურქეთის ანტიტერორისტული კანონის მე-5 მუხლით გათვალისწინებული დანაშაულის ჩადენა, რაც ჯგუფის მიერ ძალის გამოყენებით კონსტიტუციური წყობილების შეცვლის მცდელობაში მონაწილეობას გულისხმობს.
ამჟამად ჰალის აიდოგანი დაკავებული და გადაყვანილია აჭარა-გურიის დროებითი მოთავსების იზოლატორში. მის მიმართ კანონით გათვალისწინებული წინა საექსტრადიციო პროცედურები მიმდინარეობს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სარჯველაძე დიუშენის სინდრომის ბავშვების მშობლებზე ამბობს, რომ მათი ოჯახის წევრების ემოციებით პოლიტიკური დივიდენდების მოპოვებას ცდილობენ

დიუშენის კუნთოვანი დისტროფიის მქონე ბავშვების მშობლები მთავრობის ადმინისტრაციასთან უწყვეტ პროტესტს იწყებენ

კიევში შეიარაღებულმა პირმა ავტომატური იარაღიდან ცეცხლი გაუხსნა ხალხს, არიან დაღუპულები და დაჭრილები.

მეუღლის არასრულწლოვანი შვილების გაუპატიურებაში ბრალდებული სტუ-ს თანამშრომელი იყო