„პოლიტიკური სპეკულაციების ნაცვლად, მკვლელობის სასწრაფოდ გამოძიება უნდა მოხდეს“, - ამის შესახებ „ნაციონალური მოძრაობის“ წევრმა გია ბარამიძემ ჟურნალისტებს იური ვაზაგაშვილის გარდაცვალებასთან დაკავშირებით განუცხადა.

მისივე შეფასებით, ვაზაგაშვილის გარდაცვალებასთან დაკავშირებით არც ერთი ვერსია არ უნდა გამოირიცხოს და გამოძიება სწრაფად უნდა ჩატარდეს. 

„ეს მკვლელობა არის არა მარტო ამაზრზენი და აღმაშფოთებელი, არამედ ეს არის ძალიან სახიფათო პრეცედენტი, არა მხოლოდ ზოგადი კრიმინოგენული თვალსაზრისით, არამედ ეს არის ძალიან ცუდი გზავნილი ჩვენი საზოგადოებისთვის. ამას სამართალდამცავი ორგანოების მხრიდან ძალიან მკაცრი და სწრაფი რეაგირება უნდა მოჰყვეს. ნაცვლად პოლიტიკური სპეკულაციებისა, სასწრაფო გამოძიება და ყველა დამნაშავის, ვინც არ უნდა იყოს შემსრულებელი თუ დამკვეთი, უმკაცრესად დასჯა უნდა მოხდეს. არც ერთი ვერსიის გამორიცხვა არ შეიძლება, გამოძიებას ამის უფლება არ აქვს. ყველა, ვინც კი ამ სამქეშია გარეული, კანონის მთელი სიმკაცრით უნდა დაისაჯოს“, – აღნიშნა ბარამიძემ. 

შეგახსენებთ, კასპის რაიონის სოფელ ყარაფილაში იური ვაზაგაშვილი შვილის, ზურაბ ვაზაგაშვილის, საფლავზე გარდაცვლილი იპოვეს. წინასწარი ინფორმაციით, ის ააფეთქეს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი