საქართველოს შეიარაღებული ძალების გენერალური შტაბის უფროსი ბრიუსელში ვიზიტს განაგრძობს.

თავდაცვის სამინისტროს ინფორმაციით, გენერალ-მაიორი ვახტანგ კაპანაძე ურთიერთთავსებადობის პლატფორმის ფორმატში ნატოს სამხედრო კომიტეტის პირველ შეხვედრას და ავღანეთში მტკიცე მხარდაჭერის მისიის ფორმატში გამართულ ნატოს სამხედრო კომიტეტის მე-6 სხდომას დაესწრო.

დღესვე, ალიანსის შტაბ-ბინაში ნატოს სამხედრო კომიტეტისა და საქართველოს მე-8 სხდომა გაიმართა. გენერალმა სხდომის მონაწილეებს რეგიონში არსებული უსაფრთხოების გარემო და ნატო-საქართველოს არსებითი პაკეტის იმპლემენტაციის მიმდინარეობა გააცნო.

ნატოს შტაბ-ბინაში გენერალური შტაბის უფროსმა ორმხრივი შეხვედრებიც გამართა. გენერალ-მაიორი ვახტანგ კაპანაძე ევროპაში მოკავშირე ძალების უმაღლესი მთავარსარდლის მოადგილეს, გენერალ სერ ადრიან ბრედშოუს შეხვდა. მხარეებმა თანამშრომლობის მიმდინარე და სამომავლო საკითხები განიხილეს. საუბარი შეეხო ნატო-საქართველოს არსებითი პაკეტით გათვალისწინებულ ერთობლივი წვრთნისა და შეფასების ცენტრის დაარსებას და საქართველოში ერთობლივი სწავლებების ინტენსიურად ჩატარებას.

გენერალური შტაბის უფროსი ორმხრივი ფორმატში ასევე შეხვდა უკრაინელ და ბრიტანელ კოლეგებს. მხარეებმა განიხილეს შეიარაღებულ ძალებს შორის ორმხრივი თანამშრომლობის მიმდინარეობა.

ალიანსის შტაბ-ბინაში ნატოს მისიებში დაღუპული სამხედროების პატივსაცემად გვირგვინის დადების ცერემონიალი გაიმართა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი