ევროკავშირი მალე დაამტკიცებს რუსეთის წინააღმდეგ სანქციების ახალ, მე-19 პაკეტს და ასევე განიხილავს, თუ როგორ გამოიყენოს რუსეთის გაყინული აქტივები საუკეთესოდ უკრაინის სამხედრო და რეკონსტრუქციის ძალისხმევის მხარდასაჭერად. - ევროკომისიის პრეზიდენტმა ურსულა ფონ დერ ლაიენმა 28 აგვისტოს ბრიუსელში საგანგებო განცხადება გააკეთა რუსეთის მიერ კიევზე ღამით განხორციელებული თავდასხმის შესახებ.

„მე აღშფოთებული ვარ კიევზე თავდასხმით, რომელმაც ასევე დაარტყა ჩვენს ევროკავშირის ოფისებს. ეს იყო დედაქალაქზე ყველაზე სისხლიანი სარაკეტო თავდასხმა ივლისის შემდეგ“, - თქვა ფონ დერ ლაიენმა.

მან დასძინა, რომ სწორედ ამიტომ „ჩვენ ვაგრძელებთ რუსეთზე მაქსიმალურ ზეწოლას“.

„ეს ნიშნავს ჩვენი სანქციების რეჟიმის გაძლიერებას. უახლოეს მომავალში ჩვენ წარმოგიდგენთ მკაცრი სანქციების მე-19 პაკეტს“, - ხაზგასმით აღნიშნა ევროკომისიის პრეზიდენტმა.

„პარალელურად, ჩვენ ვაგრძელებთ მუშაობას გაყინულ რუსულ აქტივებზე, რათა ხელი შევუწყოთ უკრაინის დაცვას და აღდგენას“, - თქვა ურსულა ფონ დერ ლაიენმა.

როგორც „ევროპული პრავდა“ იტყობინება, თავდასხმამ დააზიანა ევროპის საინვესტიციო ბანკის (EIB) ოფისი და ევროკავშირის წარმომადგენლობის შენობა.

რუსეთის მიერ კიევზე ღამით განხორციელებული თავდასხმის შემდეგ, ევროკავშირის დიპლომატიის ხელმძღვანელი კაია კალასი მოითხოვს, რომ რუსეთმა შეწყვიტოს მკვლელობები და მშვიდობიანი მოლაპარაკებები აწარმოოს.

ავტორი: ექსპრესნიუსი,

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი