„მე შევძელი რუკაზე ბევრი რამ მეჩვენებინა: ვინ რომელ ტერიტორიებს აკონტროლებს - რეალურად, არა ჭორებით“, - თქვა უკრაინის პრეზიდენტმა.

მან დასძინა, რომ ევროპელ ლიდერებთან შეხვედრაზე მან და ტრამპმა „უსაფრთხოების გარანტიები“ განიხილეს. „ეს ძალიან მნიშვნელოვანი წინგადადგმული ნაბიჯია: მე არ ვარ მზად ყველა დეტალზე ვისაუბრო“, - აღნიშნა მან.

მისი თქმით, ასევე განიხილეს უკრაინელი ბავშვების დაბრუნების „სხვადასხვა მიდგომები“. ასევე განიხილება „ყველას ყველასთვის დაბრუნების სქემა“.

ასევე, მისი თქმით, შეერთებული შტატები სთავაზობს რუსეთის, უკრაინისა და შეერთებული შტატების ლიდერებს შორის შეხვედრის ჩატარებას „რაც შეიძლება მალე“.

„რუსეთმა თავდაპირველად ორმხრივი შეხვედრა შესთავაზა, შემდეგ კი სამმხრივი“, - აღნიშნა ზელენსკიმ.

მისი თქმით, ის „მზადაა“ პუტინთან შესახვედრად. „ვფიქრობ, ეს კარგი შედეგია“, - თქვა უკრაინის პრეზიდენტმა.

"აშშ-სთან განვიხილეთ საკითხი, რომ ყველა მხარემ უნდა აჩვენოს ომის დასრულების სურვილი. ეს არის დიპლომატიური შეხვედრა ლიდერების დონეზე. თუ არც ერთი მხარე ასეთ სურვილს არ გამოავლენს, ჩვენ შესაბამისად მოვიმოქმედებთ,“ - აღნიშნა ზელენსკიმ

ავტორი: ექსპრესნიუსი,

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი