ევროკავშირი რუსეთის წინააღმდეგ სანქციების ახალი პაკეტის შემოღებას გეგმავს 2025 წლის თებერვალში ომის დაწყების მესამე წლისთავისთვის. მასზე მოსამზადებელი სამუშაოები უკვე დაწყებულია, იტყობინება ყოველკვირეული Welt am Sonntag ბრიუსელში დიპლომატიური წყაროებზე დაყრდნობით.

ეს იქნება სანქციების მე-16 პაკეტი. როგორც ევროკავშირის დიპლომატებმა აღნიშნეს, ზომები მიზნად ისახავს „მოსკოვისთვის მკაფიო სიგნალის გაგზავნას“. პაკეტი ითვალისწინებს სადამსჯელო ზომებს რუსეთის ეკონომიკის კონკრეტული სექტორების მიმართ, „რომლებიც ჯერ არ დაზარალდნენ ან არასაკმარისად დაზარალდნენ“.

გარდა ამისა, ახალი პაკეტი მოიცავს დამატებით სანქციებს იმ პირებისა და ორგანიზაციების წინააღმდეგ, რომლებიც მიჩნეულნი არიან „რუსული რეჟიმის პროპაგანდისტებად“ და პასუხისმგებელნი არიან უკრაინის ტერიტორიული მთლიანობის შელახვაზე.

ევროკომისია და ევროპის საგარეო მოქმედების სამსახური ასევე გეგმავენ მოგზაურობის აკრძალვას და აქტივების გაყინვას რუსეთის სასარგებლოდ ჯაშუშობაში და დეზინფორმაციულ კამპანიებში ჩართულ პირებზე, მათ შორის გერმანიის მიმართ.

ამავდროულად, ბრიუსელი აღიარებს რუსეთის მხრიდან „ჰიბრიდულ თავდასხმებში“ ასეთი პირების მონაწილეობის თვალყურის დევნების და შესაბამისი მტკიცებულებების შეგროვების სირთულეს. ამასთან დაკავშირებით, ჯერ არ არის გადაწყვეტილი, დამტკიცდება თუ არა სანქციები ჯაშუშობისა და დეზინფორმაციისთვის 24 თებერვალს, აღნიშნავს Welt am Sonntag.

ავტორი: ექსპრესნიუსი,

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი