Facebook-ი სახელს იცვლის და მისი სახელი Meta იქნება. ამის შესახებ,  კომპანიის დამფუძნებელმა მარკ ცუკერბერგმა კომპანიის ონლაინ კონფერენციაზე განაცხადა, იუწყება BBC.
ცუკერბერგის განმარტებით, რებრენდინგი კომპანიის ახალ მიმართულებას, ვირტუალურ რეალობასა (VR) და მეტავერსს უკავშირდება. ცვლილება მხოლოდ კომპანიას შეეხება და არა უშუალოდ სოციალურ ქსელებსა და მის პროდუქტებს, ანუ Instagram-ის, Facebook-ის, WhatsApp-ისა და Oculus-ის სახელები არ შეიცვლება, მხოლოდ მათი მფლობელი ჰოლდინგი შეიძენს ახალ სახელწოდებას.

აღსანიშნავია, რომ ფეისბუქს უკვე ჰყავს 10 000-ზე მეტი თანამშრომელი, რომლებიც აწარმოებენ სამომხმარებლო ტექნიკას, როგორიცაა AR სათვალე. ცუკერბერგს მიაჩნია, რომ მსგავსი ტექნოლოგიები ისეთივე საყოველთაო იქნება, როგორც სმარტფონები. ივლისში ცუკერბერგმა The Verge-ს განუცხადა, რომ მომდევნო რამდენიმე წლის განმავლობაში, ის და მისი გუნდი უფრო გლობალურ მასშტაბებზე გასვლას გეგმავენ და მხოლოდ სოციალური ქსელით დაკმაყოფილებას აღარ აპირებენ

ფეისბუქი არ იქნება პირველი ცნობილი ტექნოლოგიური კომპანია, რომელიც ამბიციების ზრდასთან ერთად სახელს შეიცვლის. 2015 წელს Google-მა მთლიანად მოახდინა რეორგანიზაცია და Alphabet-ის შემადგენლობაში შევიდა, ნაწილობრივ იმის ნიშნად, რომ Google აღარ იყო მხოლოდ საძიებო სისტემა, არამედ უფრო ფართო კონგლომერატის ნაწილად იქცა, რომლიც მრავალფეროვან პროდუქტს აწარმოებს. დღეს Alphabet-ის შემადგენლობაში შედის Google, Sidewalk Labs (რომელიც ჭკვიანი ქალაქის ტექნოლოგიებზეა კონცენტრირებული), DeepMind (ხელოვნურ ინტელექტზე მომუშავე კომპანია), Google Fiber და Verily (სამეცნიერო ორგანიზაცია).

ავტორი: ექსპრესნიუსი,

სოციალური ქსელები

ბულგარეთის ყოფილი პრეზიდენტი რუმენ რადევი საპარლამენტო არჩევნებში ლიდერობს

ჰორმუზის სრუტეში აშშ-მ ირანის კუთვნილი ტანკერი დააკავა, ირანმა სამხედრო გემებზე დრონებით თავდასხმა განახორციელა

უკრაინამ ერთ კვირაში მეორედ დაარტყა რუსეთის ერთადერთ ნავთობგადამამუშავებელ ქარხანას შავ ზღვაზე, ერთი ადამიანი დაიღუპა.

ღმერთია და ექიმი არ სჭირდებაო - ნარიმან მაქარაშვილთან, მისი თაყვანისმცემლები ექიმს არ უშვებდნენ -ვიდეო