ზუგდიდის მუნიციპალიტეტის 39 სკოლამდელ სააღმზრდელო დაწესებულებაში სასწავლო პროცესი დღეს განახლდა.

ზუგდიდის გამგეობის ინფორმაციით, ახლად რეაბილიტირებულ და განახლებულ საბავშვო ბაღებში ახალი სასწავლო წლის დაწყება აღსაზრდელებს ზუგდიდის მუნიციპალიტეტის გამგებლის მოადგილე გიზო სართანიამ, გამგეობის კულტურის, ძეგლთა დაცვის, სოციალური სამსახურის უფროსმა მაია ჩიტაიამ, ზუგდიდის მუნიციპალიტეტის გამგეობის ააიპ. სკოლამდელი სააღმზრდელო დაწესებულების დირექტორმა ცისანა თოლორაიამ და დაწესებულების მეთოდისტებმა მიულოცეს.

სტუმრებმა ჩატარებული სარემონტო სამუშაოები, მიწოდებული საკვები პროდუქტები და სველი წერტილები დაათვალიერეს.

„ზუგდიდის მუნიციპალიტეტის 44 სააღმზრდელო დაწესებულებიდან 19 საბავშვო ბაღს სარეაბილიტაციო სამუშაოები სოფლის მხარდაჭერის პროგრამიდან დაუფინანსდა. საბავშო ბაღებს შეუცვალეს სახურავები, შეილესა კედლები, შეიცვალა კარ -ფანჯრები და მოწესრიგდა სამზარეულო და სველი წერტილები. ამჟამად, სარემონტო სამუშაოები მიმდინარეობს გრიგოლიშის,ინგირის #2, ჯიხაშკარის, ჩხოუშის და განმუხურის საბავშო ბაღებში. 2016 წელს ზუგდიდის მუნიციპალიტეტის ადმინისტრაციულ ერთეულებში 3 საბავშვო ბაღის მშენებლობა იგეგმება“, - ნათქვამია ზუგდიდის გამგეობის ინფორმაციაში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ქართველი სამხედრო გიორგი კუპარაშვილი, უკრაინის შეიარაღებული ძალების მესამე არმიის კორპუსის პოლკის მეთაურად დაინიშნა

ფიკომ უკმაყოფილება გამოთქვა, რომ ლიეტუვა და ლატვია მის თვითმფრინავს 9 მაისს მოსკოვში არ გაუშვებენ

ზელენსკი: რუსეთის წინააღმდეგ სანქციების შერბილების გაგრძელება აძლიერებს რუსეთის ლიდერების ილუზიას, რომ შეუძლიათ ომის გაგრძელება

მილანში ულტრამემარჯვენეების წინააღმდეგ გამართული საპროტესტო აქციის დროს არეულობა დაიწყო - ვიდეო