კულტურისა და ძეგლთა დაცვის მინისტრი მიხეილ გიორგაძე სტიქიის შედეგად დაღუპულთა ოჯახებს უსამძიმრებს.

როგორც გიორგაძემ ზოოპარკთან  ჟურნალისტებს განუცხადა, კულტურული მემკვიდრეობის ძეგლების საგანგაშო დაზიანება არ ფიქსირდება. 

მისივე ინფორმაციით, ძლიერი წვიმის შედეგად, კინომსახიობთა თეატრში ბათქაში ჩამოვარდა, მაგრამ საგანგაშო ნგრევა არ ყოფილა. 

ამასთან, მინისტრის თქმით, ევგენი მიქელაძის  სახელობის სახელმწიფო ეროვნული სიმფონიური ორკესტრის შენობაში წყალი ჩამოვიდა, თუმცა, ინსტრუმენტების გადარჩენა მოხერხდა და არავინ დაზიანებულა. 
 
„დაღუპულთა ოჯახებს ვუსამძიმრებ. მთელი ღამის განმავლობაში და დღეს დილიდან მაქსიმალურად მობილიზებულია ყველა სამსახური, რათა დახმარება აღმოუჩინონ დაზარალებულ ადამიანებს. კულტურისა  სისტემაში შემავალ ორგანიზაციებში საგანგაშო ნგრევა და ზარალი არ არის. ორი მეტნაკლებად რთული შემთხვევაა. კინომსახიობთა თეატრში საგრიმიოროში წყალი ჩამოვიდა და ბათქაში ჩამოვარდა, მაგრამ საგანგაშო ნგრევა არ არის. ევგენი მიქელაძის სახელობის სახელმწიფო ეროვნული სიმფონიური ორკესტრის შენობაში ჩამოვიდა წყალი, თუმცა, ინსტრუმენტების გადარჩენა მოახერხეს და არავის დაზიანება არ მიუღია. კულტურული მემკვიდრეობის დაცვის სააგენტოს ინსპექტორები კულტურული მემკვიდრეობის ძეგლებს ამოწმებენ, საგანგაშო დაზიანება და ნგრევა არ ფიქსირდება“, – აღნიშნა გიორგაძემ. 

მინისტრის განცხადებით, ბეთანიის მონასტერთან მისასვლელი გზის დიდი ნაწილი წყალმა წაიღო, თუმცა, თავად მონასტერს ზიანი არ მიადგა. 

„ჩვენ ნებისმიერი შეტყობინების შემთხვევაში შესაბამისი რეაგირება გვექნება“, – აცხადებს მიხეილ გიორგაძე. 
ამ წუთებში  ზოოპარკთან საქართველოს კათოლიკოს–პატრიარქსა და  „თავისუფალი დემოკრატების“ ლიდერს ირაკლი ალასანიას ელოდებიან.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი