პოლონეთის საგარეო საქმეთა სამინისტრო რუსეთის ფედერაციასა და ცხინვალის საოკუპაციო რეჟიმს შორის გაფორმებული ე.წ. „ხელშეკრულების“ თაობაზე განცხადებას ავრცელებს და აღნიშნავს, რომ პოლონეთი არ აღიარებს  მას და საერთაშორისო სამართლის პრინციპების გათვალისწინებით, არაკანონიერად მიიჩნევს.

 
„აღნიშნული ე.წ. ‘ხელშეკრულების’ გაფორმება, ისევე როგორც  რუსეთსა და სოხუმის საოკუპაციო რეჟიმს შორის 2014 წლის 24 თებერვალს გაფორმებული ე.წ. „სტრატეგიული პარტნიორობისა და მოკავშირეობის შესახებ ხელშეკრულება“, არღვევს საქართველოს ტერიტორიულ მთლიანობას; 2008 წლის 12 აგვისტოს სარკოზისა და მედვედევის ექვს პუნქტიანი შეთანხმებით აღებულ ვალდებულებებს და 2008 წლის 8 სექტემბრის სამ პუნქტიან შეთანხმებას; იგი, ასევე, ძირს უთხრის ჟენევის მოლაპარაკებებსა და აბაშიძე-კარასინის ქართულ-რუსულ დიალოგს.
 
ასევე, შემაშფოთებელია ინფორმაცია საქართველოს ოკუპირებულ რეგიონებში 2015 წლის 5 მარტს რუსეთის ჯარების მიერ დაწყებული ფართომასშტაბიანი წვრთნების შესახებ.

მოვუწოდებთ ჟენევის პროცესის გაგრძელებისკენ, რომლის 31-ე რაუნდი აღნიშნული “ხელშეკრულების“ მოსკოვში ხელმოწერის დღეს გაიმართა, ასევე, საქართველოს საერთაშორისოდ აღიარებული საზღვრებისა და ყოფილი საბჭოთა კავშირის ტერიტორიაზე არსებული სხვა საზღვრების დაურღვევლობის პატივისცემისკენ“, - ნათქვამია პოლონეთის საგარეო საქმეთა სამინისტროს მიერ გავრცელებულ განცხადებაში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი