2026 წლის 1-ელი იანვრიდან ასაკობრივი პენსია გაიზარდა. ცვლილება გათვალისწინებული იყო 2026 წლის სახელმწიფო ბიუჯეტის პროექტში, რომელიც უკვე ამოქმედდა.

კერძოდ, 70 წლის და მეტი ასაკის პენსიონერთა პენსია 45 ლარით გაიზარდა და 495 ლარს შეადგენს. მაღალმთიან დასახლებებში ამავე კატეგორიის პენსიონერები უკვე თითქმის 594 ლარს იღებენ.

70 წლამდე პირთა პენსია 20 ლარით გაიზარდა და 370 ლარით განისაზღვრა, ხოლო მაღალმთიან დასახლებებში - 444 ლარია.

პენსიასთან ერთად, გაიზარდა სოციალური გასაცემელიც:

• მკვეთრად გამოხატული და 18 წლამდე შშმ პირების სოციალური დახმარება 45 ლარით გაიზარდა;
• დანარჩენი კატეგორიის შშმ პირების სოციალური გასაცემელი 20 ლარით გაიზარდა.

ქვეყნის მთავარი ფინანსური დოკუმენტის მიხედვით, 2026 წელს ჯანდაცვისა და სოციალური დაცვის პროგრამების დასაფინანსებლად სამინისტროს ბიუჯეტი 800 მლნ ლარზე მეტით არის გაზრდილი.

ცნობისთვის, 2025 წელს 70 წლამდე პირთა პენსია 350 ლარს შეადგენდა (მაღალმთიან დასახლებებში - 420 ლარი), ხოლო 70 წლის და მეტი ასაკის პენსიონერები 450 ლარს იღებდნენ, მაღალმთიან რეგიონებში კი - დაახლოებით 540 ლარს.

ავტორი: ექსპრესნიუსი,

სოციალური ქსელები

მილანში ულტრამემარჯვენეების წინააღმდეგ გამართული საპროტესტო აქციის დროს არეულობა დაიწყო - ვიდეო

პირადი ცხოვრების საიდუმლოს ხელყოფის და სქესობრივი კავშირის იძულების ფაქტებზე ერთი პირია დაკავებული

შსს: დავაკავეთ კაცი, ფიზიკური შეურაცხყოფა მიაყენა ქალს, სიცოცხლის მოსპობით დაემუქრა

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს