უკრაინას თუ ნატო-ს სამიტზე არ მიიწვევენ, ეს პუტინის გამარჯვება იქნება არა უკრაინაზე, არამედ ნატო-ზე – ამის შესახებ უკრაინის პრეზიდენტმა, ვოლოდიმირ ზელენსკიმ გერმანიაში ვიზიტის დროს განაცხადა.

უკრაინის პრეზიდენტის თქმით, აშშ-ის სენატს რუსეთის წინააღმდეგ ახალი სანქციების დამტკიცებაში არაფერი უშლის ხელს.

ზელენსკიმ აღნიშნა, რომ დღეს სანქციების ძლიერი პაკეტი „ძალიან საჭიროა“ არა მხოლოდ ევროკავშირის, არამედ შეერთებული შტატების მხრიდანაც. უკრაინის პრეზიდენტის თქმით, მკაცრი სანქციების შემოღებამ შესაძლოა, ომის რაც შეიძლება მალე დასრულების შესაძლებლობა გააჩინოს.

ზელენსკის განცხადებით, უკრაინისა და გერმანიის წარმომადგენლებმა დეტალურად განიხილეს დიპლომატიური შესაძლებლობები და რუსეთთან მოლაპარაკებებთან დაკავშირებული ვითარება.

„მსოფლიო ერთ კვირაზე მეტია, ელოდება რუსების მიერ ე.წ. მემორანდუმის დაწერას იმის შესახებ, რა სჭირდებათ ადამიანების მკვლელობის შესაჩერებლად. ყველა ელოდება. ჯერჯერობით მათ არაფერი ახალი არ მოუგონიათ და ინფორმაციულ სივრცეში ძველი ულტიმატუმების გამეორებას უშვებენ. უკრაინა მიიჩნევს, რომ ცეცხლის შეწყვეტისთვის წინაპირობები არ უნდა არსებობდეს. ეს არის ის, რაც აუცილებლად და რაც შეიძლება სწრაფად უნდა გაკეთდეს. მადლობას ვუხდი გერმანიას ამ მხარდაჭერისთვის. უკრაინასა და რუსეთს შორის ომის ძირითადი მიზეზი მოსკოვის სურვილია, მოკლას ადამიანები და გაანადგუროს სიცოცხლე. რუსეთმა უარი უნდა თქვას ამ სურვილზე. იმისათვის, რომ ეს რეალურად მოხდეს, რუსეთზე უნდა განხორციელდეს ზეწოლა, ყველანაირი სახის ზეწოლა, რაც მათ ამ სამარცხვინო ქმედებების შედეგებს აგრძნობინებს. ამიტომ, ამ ომის გამო რუსეთის წინააღმდეგ სანქციების გამკაცრების გაგრძელება ღირს. ომის გახანგრძლივება მოსკოვისთვის მტკივნეული უნდა გახდეს და ეს შესაძლებელია. გერმანია მხარს გვიჭერს ამ საქმეში, რათა სანქციები გავზარდოთ“, – განაცხადა ვოლოდიმირ ზელენსკიმ.

ავტორი: ექსპრესნიუსი,

სოციალური ქსელები

მეუფე იაკობი - ცხვირს არავის არსად არ ჩავაყოფინებთ! კარგად გაითვალისწინოს ყველამ

ქართველი სამხედრო გიორგი კუპარაშვილი, უკრაინის შეიარაღებული ძალების მესამე არმიის კორპუსის პოლკის მეთაურად დაინიშნა

ფიკომ უკმაყოფილება გამოთქვა, რომ ლიეტუვა და ლატვია მის თვითმფრინავს 9 მაისს მოსკოვში არ გაუშვებენ

ზელენსკი: რუსეთის წინააღმდეგ სანქციების შერბილების გაგრძელება აძლიერებს რუსეთის ლიდერების ილუზიას, რომ შეუძლიათ ომის გაგრძელება