ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრმა დავით ბაქრაძემ აღმოსავლეთ პარტნიორობის სამოქალაქო საზოგადოების ფორუმის საქართველოს ეროვნული პლატფორმის მე-VI საერთო კრების მონაწილეებს მისასალმებელი სიტყვით მიმართა. 

სახელმწიფო მინისტრმა საქართველო ევროკავშირს შორის ასოცირების შესახებ შეთანხმების განხორციელების პროცესსა და ამ პროცესში სამოქალაქო საზოგადოების ჩართულობის მნიშვნელობაზე გაამახვილა ყურადღება. 

„ძალიან მნიშვნელოვანი ფორუმია სამოქალაქო საზოგადოების ფორუმი, რომელიც აღმოსავლეთ პარტნიორობის ფარგლებში ფუნქციონირებს. მნიშვნელოვანია არამარტო ჩვენი მხრიდან მათი საქმიანობის ხელშეწყობა, არამედ, მათი მხრივ ასოცირების შეთანხმების შესრულების მონიტორინგის ხელშეწყობა. ჩვენი აპარატი სწორედ ამ საქმით არის დაკავებული და შესაბამისად, მნიშვნელოვანია, რომ სამოქალაქო საზოგადოება სწორედ ამ მხრივ გვეხმარება და გვერდში გვიდგას, რათა მოხდეს შესრულება სათანადო დონეზე. ძალიან მნიშვნელოვანი და ხაზგასასმელია, რომ საქართველო იყო პირველი აღმოსავლეთ პარტნიორობის სახელმწიფოებს შორის, რომელმაც სამოქალაქო საზოგადოება ჩართო ასოცირების შეთანხმების შესრულების მიმდინარეობის პროცესში. მათ შორის ისინი ჩაერთვებიან 2015 წლის სამოქმედო გეგმის შესრულების მონიტორინგშიც“, - განაცხადა დავით ბაქრაძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ჰორმუზის სრუტეში აშშ-მ ირანის კუთვნილი ტანკერი დააკავა, ირანმა სამხედრო გემებზე დრონებით თავდასხმა განახორციელა

უკრაინამ ერთ კვირაში მეორედ დაარტყა რუსეთის ერთადერთ ნავთობგადამამუშავებელ ქარხანას შავ ზღვაზე, ერთი ადამიანი დაიღუპა.

ღმერთია და ექიმი არ სჭირდებაო - ნარიმან მაქარაშვილთან, მისი თაყვანისმცემლები ექიმს არ უშვებდნენ -ვიდეო

რუსეთში დამკრძალავი კომპანიების რაოდენობა მკვეთრად გაიზარდა, უკრაინაში რეკორდული დანაკარგის ფონზე.