ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრი დავით ბაქრაძე უკრაინაში მიემგზავრება.

ბაქრაძე ოფიციალურ შეხვედრებს 4-5 თებერვალს გამართავს.

როგორც ბაქრაძემ ჟურნალისტებს განუცხადა, ის კიევში უკრაინის საგარეო საქმეთა მინისტრის მიწვევით მიემგზავრება.

სახელმწიფო მინისტრი კიევში ორმხრივ შეხვედრებს გამართავს. დავით ბაქრაძე უკრაინის საგარეო საქმეთა მინისტრს პაველ კლინკინს, ასევე უკრაინაში ევროკავშირის საკონსულტაციო მისიის ხელმძღვანელს კალმან მიჟეის შეხვდება.

აღნიშნული ვიზიტის შესახებ სახელმწიფო მინისტრმა დეტალები საქართველოში უკრაინის სრულუფლებიან ელჩთან ვასილ ციბენკოსთან განიხილა.

ელჩსა და სახელმწიფო მინისტრს შორის შეხვედრა მთავრობის ადმინისტრაციაში დღეს დილით გაიმართა. სახელმწიფო მინისტრის აპარატის ინფორმაციით, შეხვედრაზე ასევე, გაზაფხულზე, რიგაში დაგეგმილი აღმოსავლეთ პარტნიორობის სამიტისთვის მზადების დეტალები და მოლოდინები განიხილეს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი