საქართველოს პრემიერ-მინისტრმა ესტონელ კოლეგას, სამთავრობო დელეგაციასთან ერთად, ოფიციალურ ვახშამზე უმასპინძლა. 

ირაკლი ღარიბაშვილმა ტაავი რიივასს საქართველოში სტუმრობისთვის მადლობა გადაუხადა და ორი ქვეყნის მეგობრულ ურთიერთობებზე ისაუბრა. 

"მოხარული ვარ, ვუმასპინძლო ესტონეთის პრემიერ-მინისტრს, რომელიც ყოველგვარი გადამეტების გარეშე, არის საქართველოს განსაკუთრებული პარტნიორი და ერთგული მეგობარი. ბატონო პრემიერ-მინისტრო, კეთილი იყოს თქვენი ჩამობრძანება საქართველოში", - განაცხადა პრემიერმა.

საქართველოს მთავრობის მეთაური დარწმუნებულია, რომ ორი ქვეყნის წარმატებული თანამშრომლობა პოლიტიკური, თავდაცვის, ეკონომიკური და კულტურული მიმართულებებით კიდევ უფრო გაღრმავდება და სრულიად ახალ განზომილებას შეიძენს. 

ორი ქვეყნის სამაგალითო ურთიერთობასა და პრემიერ-მინისტრ ირაკლი ღარიბაშვილთან მეგობრულ დამოკიდებულებაზე ისაუბრა ესტონეთის პრემიერმა.

"ნება მომეცით, ვთქვა საქართველოს მომავლის სადღეგრძელო, იმ ევროპული მომავლის, რომელიც არჩეულია ქართველი ხალხის და ხალხის მიერ არჩეული პოლოტიკოსების მიერ და არავის, არც ერთ მეზობელს არ აქვს უფლება, ჩაერიოს თქვენს არჩევანში",- განაცხადა ტაავი რიივასმა.
ოფიციალური ვახშმის დაწყებამდე სტუმრებმა რამდენიმე სახეობის ქართული ღვინო დააგემოვნეს და ქართული ღვინის ისტორიას გაეცნენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ქართველი სამხედრო გიორგი კუპარაშვილი, უკრაინის შეიარაღებული ძალების მესამე არმიის კორპუსის პოლკის მეთაურად დაინიშნა

ფიკომ უკმაყოფილება გამოთქვა, რომ ლიეტუვა და ლატვია მის თვითმფრინავს 9 მაისს მოსკოვში არ გაუშვებენ

ზელენსკი: რუსეთის წინააღმდეგ სანქციების შერბილების გაგრძელება აძლიერებს რუსეთის ლიდერების ილუზიას, რომ შეუძლიათ ომის გაგრძელება

მილანში ულტრამემარჯვენეების წინააღმდეგ გამართული საპროტესტო აქციის დროს არეულობა დაიწყო - ვიდეო