საფრანგეთში 700-მდე ებრაულ სკოლაზე სამართალდამცავები დაცვას გააძლიერებენ.

ამის შესახებ გადაწყვეტილება საფრანგეთის მთავრობამ მიიღო. 

„ბი ბი სი“-ს ინფორმაციით, ამ საკითხთან დაკავშირებით საფრანგეთის შინაგან საქმეთა მინისტრი ბერნარ კაზნევა, ერთ-ერთ ებრაულ სკოლაში მოსწავლეთა მშობლებსაც ესაუბრა და დაპირდა, რომ მათი შვილები უსაფრთხო გარემოში ისწავლიან.

ამასთან, პარიზში, საფრანგეთის პრეზიდენტი ფრანსუა ოლანდი, მინისტრთა კაბინეტის წევრებსა და სამართალდამცავი ორგრანოების ხელმძღვანელებს შეხვდა.  შეხვედრის დროს ქვეყანაში უსფრთხოების ზომები და ისლამური ექსტრემიზმის წინააღმდეგ ბრძოლის ნაბიჯები განიხილეს. 

შეგახსენებთ, ჟურნალ „Charlie Hebdo“-ს რედაქციას შეიარაღებული პირები თავს დაესხნენ, რის შედეგადაც 12  ადამიანი გარდაიცვალა, 11 კი, დაიჭრა. აღნიშნული ფაქტის შემდეგ, ორმა ეჭვმიტანილმა, ძმებმა შერიფ და საიდ კუაშებმა, მძევლად ერთი ქალბატონი აიყვანეს და თავი პარიზის ერთ-ერთ რედაქციას შეაფარეს, ხოლო მესამე ეჭვმიტანილი ამედი კულიბელი ქაშერულ მაღაზიაში შეიჭრა და 4 ადამიანი მოკლა. თუმცა პარიზში სამართალდამცავების მიერ ჩატარებული სპეცოპერაციის შედეგად,  სამივე ეჭვმიტანილი გარდაიცვალა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი